ന്യൂഡല്‍ഹി: പ്രശസ്ത ഫാഷന്‍ ഡിസൈനര്‍ രോഹിത് ബല്‍ (63) അന്തരിച്ചു. ഡല്‍ഹിയിലെ ആശ്ലോക്‌ ആശുപത്രിയില്‍ വെള്ളിയാഴ്ച ഹൃദയാഘാതത്തെ തുടര്‍ന്നായിരുന്നു അന്ത്യമെന്ന് ദേശീയമാധ്യമങ്ങള്‍ റിപ്പോര്‍ട്ട് ചെയ്തു. ബുധനാഴ്ചയാണ് അദ്ദേഹത്തെ ആശുപത്രിയില്‍ പ്രവേശിപ്പിച്ചത്.
ശ്രീനഗറില്‍ ജനിച്ച രോഹിത്, 1986-ലാണ് തന്റെ തൊഴില്‍ ജീവിതം ആരംഭിക്കുന്നത്. തുടര്‍ന്ന് ഇന്ത്യന്‍ ഫാഷന്‍ ഡിസൈനിങ് രംഗത്തെ അതികായരില്‍ ഒരാളായി മാറി. 2006-ല്‍ ഇന്ത്യന്‍ ഫാഷന്‍ അവാര്‍ഡ്‌സില്‍ 'ഡിസൈനര്‍ ഓഫ് ദ ഇയര്‍' പുരസ്‌കാരം രോഹിത് നേടിയിരുന്നു. 2012-ല്‍ ലാക്മെ ഗ്രാന്‍ഡ് ഫിനാലെ ഡിസൈനര്‍ ആയും തിരഞ്ഞെടുക്കപ്പെട്ടിരുന്നു.
ഒക്ടോബറില്‍ ലാക്മെ ഫാഷന്‍ വീക്കിന്റെ ഗ്രാന്‍ഡ് ഫിനാലെയില്‍ 'കായ്‌നാത്: എ ബ്ലൂം ഇന്‍ ദ യൂണിവേഴ്‌സ്' എന്ന തീമില്‍ തന്റെ കളക്ഷനുകള്‍ രോഹിത് ബാല്‍ അവതരിപ്പിച്ചിരുന്നു. നടിയും ലാക്മെ ബ്രാന്‍ഡ് അംബാസഡറുമായിരുന്ന അനന്യ പാണ്ഡേയായിരുന്നു ഇതിന്റെ ഷോ സ്‌റ്റോപ്പര്‍.
Content Highlights: fashion designer rohit bal passes away
Published: 01 Nov 2024, 10:40 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented