ന്യൂഡല്‍ഹി: ഐ.എന്‍.എക്സ് കള്ളപ്പണം വെളുപ്പിക്കല്‍ കേസില്‍ കോണ്‍ഗ്രസ് എം.പി കാര്‍ത്തി ചിദംബരത്തിന്റെ സ്വത്ത് ഇ.ഡി കണ്ടുകെട്ടി. കാര്‍ത്തിയുടെ 11.04 കോടിയുടെ വസ്തുവകകളാണ് ഇ.ഡി കണ്ടുകെട്ടിയത്. കള്ളപ്പണം വെളുപ്പിക്കല്‍ നിരോധന നിയമപ്രകാരമുള്ള ഉത്തരവിനുമേലാണ് ഇ.ഡിയുടെ നടപടി.
മുതിര്‍ന്ന കോണ്‍ഗ്രസ് നേതാവ് പി. ചിദംബരത്തിന്റെ മകനും തമിഴ്‌നാട്ടിലെ ശിവഗംഗയില്‍ നിന്നുള്ള രാജ്യസഭാംഗവുമായ കാര്‍ത്തിയെ ഐ.എന്‍.എക്സ് മീഡിയ ഇടപാട് കേസില്‍ സി.ബി.ഐയും പിന്നീട് ഇ.ഡിയും അറസ്റ്റു ചെയ്തിരുന്നു.
2007-ല്‍ പി ചിദംബരം ധനമന്ത്രിയായിരുന്ന കാലത്ത് ഐഎന്‍എക്‌സ് മീഡിയ കമ്പനി ചട്ടങ്ങള്‍ മറികടന്ന് 305 കോടി രൂപയുടെ വിദേശനിക്ഷേപം സ്വീകരിച്ചു
എന്നാണ് കേസ്. നേരത്തെ ചിദംബരവും കേസില്‍ അറസ്റ്റിലായിരുന്നു. പിന്നീട് സുപ്രീംകോടതി ജാമ്യമനുവദിച്ചതോടെയാണ് ചിദംബരം ജയില്‍ മോചിതനായത്.
Content Highlights: ed attaches congress mp karti chidambarams properties inx media case
Published: 18 Apr 2023, 09:52 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented