പ്രയാഗ്‌രാജ്: മഹാകുംഭമേള നടന്ന പ്രയാഗ്‌രാജിലെ ശുചീകരണ പ്രവര്‍ത്തനങ്ങള്‍ 15 ദിവസം കൊണ്ട് പൂര്‍ത്തീകരിക്കുമെന്ന് ഉത്തര്‍പ്രദേശ് സര്‍ക്കാര്‍. 15,000 ശുചീകരണ തൊഴിലാളികളും 2,000 ഗംഗ സേവ് ദൂതുകളും (ഗംഗ, യമുന നദികളെ ശുചീകരിക്കുന്ന വളണ്ടിയര്‍മാര്‍) ശുചീകരണത്തില്‍ പങ്കാളികളാകും.
മഹാകുംഭമേളയുടെ ഭാഗമായുണ്ടായ മാലിന്യങ്ങള്‍ പ്രയാഗ്‌രാജ് ജില്ലയിലെ നൈനിയിലുള്ള ബസ്വാര്‍ പ്ലാന്റിലായിരിക്കും സംസ്‌കരിക്കുക. താത്കാലികമായി സ്ഥാപിച്ച പൈപ്പുകളും തെരുവുവെളിച്ചത്തിനുള്ള സംവിധാനങ്ങളും ടെന്റുകളും പവലിയനുകളും ഇതിനോടകം നീക്കംചെയ്തു. താത്കാലികമായി സ്ഥാപിച്ച ശൗചാലയങ്ങള്‍ അടുത്ത ഏതാനും ദിവസങ്ങള്‍ക്കുള്ളില്‍ നീക്കംചെയ്യും.
മഹാശിവരാത്രി ദിവസമായിരുന്ന കഴിഞ്ഞ ബുധനാഴ്ചയാണ് മഹാകുംഭമേളയ്ക്ക് സമാപനമായത്. ഇക്കഴിഞ്ഞ വെള്ളിയാഴ്ചയോടെ ശുചീകരണപ്രവര്‍ത്തനങ്ങള്‍ക്കും തുടക്കമായി. ഇത്തവണ പുണ്യസ്‌നാനത്തില്‍ പങ്കെടുക്കാനായി 60 കോടിയോളം ആളുകളാണ് ഉത്തര്‍പ്രദേശിലെ പ്രയാഗ്‌രാജിലെത്തിയത്. നിരവധി പ്രമുഖരും പുണ്യസ്‌നാനത്തിനായി മഹാകുംഭമേളയിലെത്തിച്ചേര്‍ന്നിരുന്നു. രാഷ്ട്രപതി ദ്രൗപതി മുര്‍മുവും പ്രധാനമന്ത്രി നരേന്ദ്ര മോദി അടക്കമുള്ളവരും പുണ്യസ്‌നാനത്തില്‍ പങ്കാളികളായി.
Content Highlights: 15 day cleanliness drive at maha kumbh mela grounds
Published: 02 Mar 2025, 06:45 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented