റിയാദ്: സൗദിവല്കരണം 70 ശതമാനത്തിലേക്ക്. ചില്ലറ മൊത്ത വ്യാപാരമേഖല ഈ മാസത്തോടെ സ്വദേശിവല്കരിക്കും. ഇതോടെ ഇന്ത്യക്കാരടക്കം നിരവധിപേര്ക്ക് തൊഴില് നഷ്ടമാകും.
സൗദി അറേബ്യയില് ഈ മാസം 20 മുതലാണ് ഒമ്പത് വ്യാപാര മേഖലകളില് കൂടി 70 ശതമാനം സ്വദേശി വല്കരണം നടപ്പാക്കുക. ചില്ലറ മൊത്ത വ്യാപാരമേഖലയിലാണ് 70 ശതമാനം സ്വദേശി വല്കരണം നടപ്പാകുക. ഇതിനായുള്ള എല്ലാ നടപടിക്രമങ്ങളും പൂര്ത്തിയാക്കിയതായി സാമൂഹിക മാനവ ശേഷി വികസന മന്ത്രാലയം അറിയിച്ചു.
സൗദിയിലെ തൊഴില് വിപണിയില് സ്വദേശികളുടെ പങ്കാളിത്തം ഉയര്ത്തി തൊഴിലവസരങ്ങള് സൃഷ്ടിക്കുകയുമാണ് ലക്ഷ്യം. ചായ, കാപ്പി, തേന്, പഞ്ചസാര, സുഗന്ധവ്യഞ്ജനങ്ങള്, പഴങ്ങള്, പച്ചക്കറികള് തുടങ്ങിയവ വില്കുന്ന സ്ഥാപനങ്ങളിലും ധാന്യങ്ങള്, വിത്തുകള്, പൂക്കള്, ചെടികള്, കാര്ഷിക വസ്തുക്കള്, പുസ്തകങ്ങള്, കരകൗശല-പുരാവസ്തുക്കള്, കളിപ്പാട്ടം, മാംസം, മത്സ്യം മുട്ട, പാല്, പ്ലാസ്റ്റിക്ക് ഉല്പന്നങ്ങള് തുടങ്ങിയവ വില്കുന്ന സ്ഥാപനങ്ങളിലുമാണ് പുതുതായി സ്വദേശിവല്കരണം ഏര്പ്പെടുത്തുക.
വര്ഷങ്ങളായി മലയാളികള് കൈയടക്കി വെച്ചിരിക്കുന്ന മേഖലകള് കുടിയാണിവയെല്ലാം. സൗദിയില് തങ്ങളുടെ പൗരന്മാര്ക്കു ജോലി നല്കുക എന്ന ലക്ഷ്യത്തോടെ 2011 മുതലാണ് ഇത്തരത്തിലുള്ള നടപടികള്ക്ക് തുടക്കം കുറിച്ചത്. അന്നു മുതല് ലക്ഷകണക്കിനു വിദേശികളാണ് ജോലി നഷ്ടപ്പെട്ട് സൗദിഅറേബ്യ വിട്ടത്. ഇന്ത്യക്കു പുറത്ത് ഏറ്റവുമധികം ഇന്ത്യക്കാര് ജോലി ചെയ്യുന്ന രാജ്യം സൗദിഅറേബ്യയാണ്.
കഴിഞ്ഞ മൂന്നു വര്ഷത്തിനിടെ 7 ലക്ഷത്തോളം ഇന്ത്യക്കാര് സൗദി വിട്ടെന്നാണ് കണക്ക്. ഇപ്പോള് സൗദിയില് 26 ലക്ഷത്തോളം ഇന്ത്യക്കാരാണ് ഉള്ളത്.
Published: 04 Aug 2020, 12:00 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented