ദോഹ: സെന്റര്‍ ഫോര്‍ ഇന്ത്യന്‍ കമ്യൂണിറ്റി - സിഐ സി ഖത്തര്‍ വിശുദ്ധ റമദാനോടനുബന്ധിച്ച് നടത്തിയ ഖുര്‍ആന്‍ പഠനത്തിന്റെ ഭാഗമായുള്ള സൂറ: അല്‍ ഖമര്‍ പരീക്ഷ ഏപ്രില്‍ 28 വ്യാഴം ഒമ്പത് മണിക്ക് ഓണ്‍ലൈനായി നടക്കുമെന്ന് സിഐസിക്ക് കീഴിലെ ഖുര്‍ആന്‍ സ്റ്റഡി സെന്റര്‍ ഭാരവാഹികള്‍ അറിയിച്ചു.
ഖുര്‍ആന്‍ മുന്നോട്ട് വെക്കുന്ന സാമൂഹിക വിഭാവനയെയും ആത്മീയ - സാംസ്‌കാരിക ഉള്ളടക്കത്തെയും കുറിച്ച് അവബോധം പകരുക എന്ന ലക്ഷൃത്തോടെ സംഘടിപ്പിച്ച പഠന പരിപാടിയുടെ സമാപനമായാണ് പരീക്ഷ നടക്കുന്നത്. പ്രസ്തുത പരീക്ഷയില്‍ മുന്‍കൂട്ടി രജിസ്റ്റര്‍ ചെയ്യാതെ തന്നെ ആര്‍ക്കും പങ്കെടുക്കാവുന്നതാണ്.
തഫ്ഹീമുല്‍ ഖുര്‍ആന്‍, ബഷീര്‍ മുഹ്‌യുദ്ദീന്‍ റമദാനില്‍ നടത്തിയ ഈ സൂറത്തിന്റെ 20 ക്ലാസ്സുകള്‍ എന്നിവ ആസ്പദമാക്കിയായിരിക്കും പരീക്ഷ. വിജയികള്‍ക്ക് ആകര്‍ഷകമായ സമ്മാനങ്ങള്‍ ഉണ്ടാകുമെന്നും സംഘാടകര്‍ അറിയിച്ചു.
പരീക്ഷ എഴുതാനുള്ള ലിങ്ക്: https://tinyurl.com/qamarquiz
Content Highlights: Quran Exam, Doha
Published: 25 Apr 2022, 04:54 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented