61-ാം ജന്മദിനമാഘോഷിക്കുകയാണ് മലയാളത്തിന്റെ ആക്ഷൻ കിങ് സുരേഷ് ​ഗോപി. താരത്തിനുള്ള ജന്മദിന സമ്മാനമായി ഏറ്റവും പുതിയ ചിത്രമായ കാവലിന്റെ ടീസർ പുറത്തു വിട്ടിരിക്കുകയാണ് അണിയറപ്രവർത്തകർ. 

To advertise here,

ഏറെ കാലത്തിന് ശേഷം മാസ് കഥാപാത്രമായി സുരേഷ് ​ഗോപി എത്തുന്ന ചിത്രമാണ് കാവൽ. തമ്പാൻ എന്നാണ് കഥാപാത്രത്തിന്റെ പേര്. നിഥിൻ രഞ്ജി പണിക്കർ സംവിധാനം ചെയ്യുന്ന ചിത്രം ഗുഡ്‌വിൽ എന്റെർടെയിൻമെന്റ്സിന്റെ ബാനറിൽ ജോബി ജോർജ് ആണ് നിർമിക്കുന്നത്. 

ഹൈറേഞ്ച് പശ്ചാത്തലത്തിൽ രണ്ടു കാലഘട്ടത്തിന്റെ കഥ ദൃശ്യവൽക്കരിക്കുന്ന ഈ ചിത്രം ഒരു ആക്ഷൻ ഫാമിലി ഡ്രാമ  ആയിരിക്കും. ലാൽ, സയാ ഡേവിഡ് എന്നിവർ ശ്രദ്ധേയമായ കഥാപാത്രത്തെ അവതരിപ്പിക്കുന്നു. 

ഐ എം വിജയൻ, അലൻസിയർ, പത്മരാജ് രതീഷ്, സുജിത് ശങ്കർ, സന്തോഷ് കീഴാറ്റൂർ, കിച്ചു ടെല്ലസ്, ബിനു പപ്പു, മോഹൻ ജോസ്, കണ്ണൻ രാജൻ പി ദേവ്, മുരുകൻ, മുത്തുമണി തുടങ്ങിയവരാണ് മറ്റു താരങ്ങൾ.

Content Highlights : Suresh gopi new Movie Kaaval Teaser Directed by Nithin renji Panicker