സാമന്തയും നാഗചൈതന്യയും ആദ്യമായി ഒന്നിച്ച് അഭിനയിച്ച 'യേ മായ ചേസവേ' വീണ്ടും പ്രദര്‍ശനത്തിനെത്തുന്നു. ജൂലായ് 18-ന് ചിത്രം പ്രദര്‍ശനത്തിനെത്തും. 15-ാം വാര്‍ഷികത്തിലാണ് ചിത്രത്തിന്റെ റീ റിലീസ്.
2010-ല്‍ ആദ്യമായി പ്രദര്‍ശനത്തിനെത്തിയ ചിത്രം ഈ വര്‍ഷം ഫെബ്രുവരി 26-ന് 15 വര്‍ഷം തികച്ചിരുന്നു. തമിഴില്‍ തൃഷയും സിലമ്പരസനും പ്രധാനവേഷങ്ങളിലെത്തിയ 'വിണ്ണൈ താണ്ടി വരുവായ' ചിത്രത്തിന്റെ തെലുങ്ക് റീമേക്കാണ് 'യേ മായ ചേസവേ'. സാമന്ത ആദ്യമായി നായികാവേഷത്തിലെത്തിയ ചിത്രമാണിത്. 'യേ മായ ചേസവേ'യിലാണ് സാമന്തയും നാഗചൈതന്യയും പരിചയപ്പെടുന്നും പിന്നീട് പ്രണയമായി മാറുന്നതും. 2017-ല്‍ വിവാഹിതരായ ഇരുവരും 2021-ല്‍ നിയമപരമായി വേര്‍പിരിഞ്ഞു.
ചിത്രത്തിനായി എ.ആര്‍. റഹ്‌മാന്‍ ഒരുക്കിയ സംഗീതത്തിന് വലിയ സ്വീകാര്യതയാണ് ലഭിച്ചത്. കാര്‍ത്തിക്- ജെസ്സി പ്രണയകഥ പ്രേക്ഷകരുടെ ഇക്കാലത്തും ഏറെ പ്രിയപ്പെട്ടതാണ്. ചിത്രത്തില്‍ സാമന്തയ്ക്കായി ശബ്ദം നല്‍കിയിരിക്കുന്നത് ഗായിക ചിന്മയി ആണ്. റീ റിലീസ് പ്രഖ്യാപനം പ്രേക്ഷകര്‍ ആവേശത്തോടെയാണ് സ്വീകരിച്ചത്.
Content Highlights: Ye Maaya Chesave to be re-released in theaters
Published: 16 Jun 2025, 09:03 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented