
പട്ടാളി മക്കള് കക്ഷി നേതാവ് എസ്. രാംദോസിന്റെ ജീവിതം സിനിമയാവുന്നു. എസ്. രാംദോസിന്റെ 87-ാം പിറന്നാള് ദിവസമായ വെള്ളിയാഴ്ചയാണ് ചിത്രം പ്രഖ്യാപിച്ചത്. 'അയ്യാ' എന്ന് പേരിട്ടിരിക്കുന്ന ചിത്രം ചേരനാണ് സംവിധാനംചെയ്യുന്നത്. ആരി അര്ജുനന് വെള്ളിത്തരയില് രാംദോസിനെ അവതരിപ്പിക്കും.
ചിത്രത്തിന്റെ ഫസ്റ്റ് ലുക്ക് പോസ്റ്റര് ചേരന് തന്റെ സാമൂഹികമാധ്യമങ്ങള് വഴി പുറത്തുവിട്ടു. 'തമിഴ്നാടിന്റെ സിംഹം' എന്നാണ് ചിത്രത്തിന് നല്കിയ ടാഗ്ലൈന്.
സുന്ദരമൂര്ത്തിയാണ് സംഗീതം. എകംബരം ക്യാമറ കൈകാര്യംചെയ്യും. പൊന് കതിരേഷ് എഡിറ്റിങ് നിര്വഹിക്കുന്നു. തമിഴ് കുമരന് പ്രൊഡക്ഷന്സിന്റെ ബാനറില് ജികെഎം തമിഴ് കുമരനാണ് ചിത്രം നിര്മിക്കുന്നത്.
തമിഴ്നാട്ടില് അടുത്ത വര്ഷം നിയമസഭാ തിരഞ്ഞെടുപ്പ് നടക്കാനിരിക്കുകയാണ്. ചിത്രത്തിന്റെ റിലീസ് തീയതി പ്രഖ്യാപിച്ചിട്ടില്ല. പിഎംകെയില് എസ്. രാംദോസും മകന് അന്പുമണി രാംദോസും തമ്മില് ആഭ്യന്തരകലഹം രൂക്ഷമായിരിക്കെയാണ് ചിത്രം പ്രഖ്യാപിച്ചിരിക്കുന്നത് എന്നതും ശ്രദ്ധേയമാണ്. അന്പുമണി രാംദോസ് നടത്താനിരുന്ന പദയാത്രയ്ക്കെതിരെ എസ്. രാംദോസ് കഴിഞ്ഞ ദിവസം പോലീസിന് പരാതി നല്കിയിരുന്നു.
2019-ലാണ് ചേരന്റെ സംവിധാനത്തില് ഒടുവില് ഒരു ചിത്രം പുറത്തിറങ്ങിയത്. നടന് കൂടിയായ ചേരന് ഏറ്റവും ഒടുവില് അഭിനയിച്ചത് മലയാളച്ചിത്രം 'നരിവേട്ട'യിലാണ്.
Content Highlights: Biopic on PMK leader S. Ramadoss announced, starring Aari Arjunan. Directed by Cheran
Published: 25 Jul 2025, 09:28 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented