ജോഷി സംവിധാനം ചെയ്ത സുരേഷ് ഗോപി ചിത്രം പാപ്പന്‍ ഇരുപത്തിയഞ്ചാം ദിവസം പിന്നിടുമ്പോഴും കേരളത്തിലെ അന്‍പതോളം തീയേറ്ററുകളില്‍ പ്രദര്‍ശനം തുടരുന്നു. ചിത്രം 50 കോടി ക്ലബില്‍ ഇടം നേടിയെന്ന വാര്‍ത്തയാണ് പുറത്തുവരുന്നത്.

To advertise here,

കേരളത്തില്‍ പാപ്പന്‍ റിലീസ് ചെയ്തത് 250 ല്‍ അധികം തീയേറ്ററുകളിലാണ്. രണ്ടാം വാരത്തില്‍ കേരളത്തിനു പുറത്ത് കൂടി ചിത്രം പ്രദര്‍ശിപ്പിച്ചപ്പോള്‍ സ്‌ക്രീനുകളുടെ എണ്ണം 600 കടന്നിരുന്നു.

കഴിഞ്ഞയാഴ്ച ചിത്രത്തിന്റ്റെ സാറ്റ്‌ലൈറ്റ് ഒടിടി അവകാശം വന്‍ തുകയ്ക്ക് വിറ്റു പോയ വിവരം അണിയറക്കാര്‍ പുറത്ത് വിട്ടിരുന്നു. റെക്കോര്‍ഡ് തുകയ്ക്കാണ് ചിത്രത്തിന്റെ അന്യ സംസ്ഥാന വിതരണാവകാശം വിറ്റുപോയത്. ചിത്രം ഈ ആഴ്ച യുകെയിലും യൂറോപ്പിലും പ്രദര്‍ശനത്തിനെത്തും. 

R J ഷാന്‍ രചന നിര്‍വ്വഹിച്ചിരിക്കുന്ന ഈ ചിത്രം നിര്‍മ്മിച്ചിരിക്കുന്നത് ഗോകുലം ഗോപാലന്‍, ഡേവിഡ് കാച്ചപ്പിള്ളി, റാഫി മതിര എന്നിവര്‍ ചേര്‍ന്നാണ്. ഗോകുലം മൂവീസും ഡ്രീം ബിഗ് ഫിലിംസും ചേര്‍ന്നാണ് ചിത്രം തീയേറ്ററുകളില്‍ എത്തിക്കുന്നത്.മാര്‍ക്കറ്റിംഗ് പ്ലാനിങ് ഒബ്‌സ്‌ക്യൂറ, പി ആര്‍ ഒ മഞ്ജു ഗോപിനാഥ്.