സംവിധായകൻ ഷെബി ചൗഘട്ടും നിർമ്മാതാവ് ഫുവാദ് പനങ്ങായിയും ഒന്നിച്ച ചിത്രം ഇതിനകം വിവിധ ചലച്ചിത്രമേളകളിൽ പുരസ്കാരങ്ങളും അംഗീകാരങ്ങളും നേടിയിട്ടുണ്ട്.

സാമൂഹിക പ്രസക്തിയുള്ള സ്ത്രീപക്ഷ പ്രമേയവുമായി ഒരുക്കിയ 'വേറെ ഒരു കേസ്' രാജ്യാന്തര സിനിമാ വേദികളിൽ കൂടുതൽ ശ്രദ്ധ നേടാനുള്ള ഒരുക്കത്തിൽ. സംവിധായകൻ ഷെബി ചൗഘട്ടും നിർമ്മാതാവ് ഫുവാദ് പനങ്ങായിയും ഒന്നിച്ച ചിത്രം ഇതിനകം വിവിധ ചലച്ചിത്രമേളകളിൽ പുരസ്കാരങ്ങളും അംഗീകാരങ്ങളും നേടിയിട്ടുണ്ട്.
ഒരു പോലീസ് സ്റ്റേഷനിൽ സി.ഐ യുടെ മുറി മാത്രം പശ്ചാത്തലമാക്കി സ്ത്രീകൾ നേരിടുന്ന നീതിനിഷേധങ്ങളും സാമൂഹിക യാഥാർഥ്യങ്ങളും വ്യത്യസ്തമായ ആഖ്യാനശൈലിയിൽ അവതരിപ്പിക്കുന്ന ചിത്രത്തിന്റെ തിരക്കഥ ഹരീഷ്. വി. എസ്സിന്റേതാണ്. രജീഷ് രാമൻ ഛായാഗ്രഹണവും മുരുകൻ എസ് പ്രൊഡക്ഷൻ ഡിസൈനും നിർവഹിച്ചിരിക്കുന്നു.
ലോസ് ഏഞ്ചൽസ് ഉൾപ്പെടെയുള്ള രാജ്യാന്തര ചലച്ചിത്ര വേദികളിൽ ചിത്രത്തിന് പ്രദർശനാവസരങ്ങൾ തേടുന്നതിനൊപ്പം, ഷെബി ചൗഘട്ടും ഫുവാദ് പനങ്ങായിയും ഒന്നിക്കുന്ന പുതിയ സിനിമയുടെ ഒരുക്കങ്ങളും പുരോഗമിക്കുകയാണ്. പുതിയ ചിത്രത്തിന്റെ ഔദ്യോഗിക പ്രഖ്യാപനവും വിദേശ വേദിയിൽ നടത്താനുള്ള ആലോചനയിലാണ് അണിയറപ്രവർത്തകർ.
Content Highlights: Women-centric Malayalam film Vere Oru Case, directed by Shebi Chowghat and produced by Fuwad Panangayi, is gearing up for international screenings including in Los Angeles after winning acclaim at various film festivals, while the duo is also preparing to announce their next collaborative project on a global stage.
Published: 16 Nov 2026, 09:06 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented