നിവിന് പോളിയെ നായകനാക്കി രാജീവ് രവി ഒരുക്കുന്ന തുറമുഖം റിലീസിനൊരുങ്ങുന്നു. ചിത്രം മാര്ച്ച് പത്തിന് തിയേറ്ററുകളില് എത്തും. ലിസ്റ്റിന് സ്റ്റീഫന്റെ ഉടമസ്ഥതയിലുള്ള മാജിക് ഫ്രെയിംസാണ് ചിത്രം തിയേറ്ററുകളില് എത്തിക്കുന്നത്.
'മട്ടാഞ്ചേരി മൊയ്തു' എന്ന നായക കഥാപാത്രമായാണ് നിവിന് ചിത്രത്തില് എത്തുന്നത്. 1962 വരെ കൊച്ചിയില് നിലനിന്നിരുന്ന ചാപ്പ തൊഴില് വിഭജന സമ്പ്രദായവും, ഇത് അവസാനിപ്പിക്കാന് തൊഴിലാളികള് നടത്തിയ സമരവുമാണ് ചിത്രത്തിന്റെ പ്രധാന പ്രമേയമെന്ന് അണിയറപ്രവര്ത്തകര് അറിയിച്ചു.
ജോജു ജോര്ജ്, ഇന്ദ്രജിത്ത് സുകുമാരന്, നിമിഷ സജയന്, പൂര്ണിമ ഇന്ദ്രജിത്ത്, അര്ജുന് അശോകന്, ദര്ശന രാജേന്ദ്രന്, സുദേവ് നായര്, മണികണ്ഠന് ആചാരി, സെന്തില് കൃഷ്ണ, സന്തോഷ് കീഴാറ്റൂര് തുടങ്ങിയവരും ചിത്രത്തിലുണ്ട്.
രാജീവ് രവി ഛായാഗ്രഹണം നിര്വഹിക്കുന്ന ചിത്രത്തിന്റെ തിരക്കഥയും സംഭാഷണവും എഴുതിയിരിക്കുന്നത് ഗോപന് ചിദംബരനാണ്. തെക്കേപ്പാട്ട് ഫിലിംസിന്റെയും ക്വീന് മേരി മൂവീസിന്റെയും ബാനറില് സുകുമാര് തെക്കേപ്പാട്ട് നിര്മിക്കുന്ന ചിത്രത്തില് ജോസ് തോമസ് സഹനിര്മാതാവാണ്. എഡിറ്റിങ് -ബി. അജിത്കുമാര്, കലാസംവിധാനം -ഗോകുല് ദാസ്, സംഗീതം -കെ. ഷഹബാസ് അമന്. മാര്ക്കറ്റിങ് -പ്ലാന് ഒബ്സ്ക്യൂറ എന്റര്ടെയിന്മെന്റ്.
Content Highlights: nivin pauly rajeev ravi movie thuramukham release date announced
Published: 28 Feb 2023, 06:02 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented