ടൊവിനോ തോമസിനെ നായകനാക്കി അനുരാജ് മനോഹര് സംവിധാനം ചെയ്ത 'നരിവേട്ട' സിനിമയുടെ റിലീസ് തീയതി അണിയറപ്രവര്ത്തകര് പുറത്തു വിട്ടു. മേയ് 23-ന് വേള്ഡ് വൈഡ് റിലീസ് ആയി 'നരിവേട്ട' പ്രദര്ശനത്തിനെത്തും. ടൊവിനോയ്ക്ക് പുറമെ തമിഴ് സിനിമ നടനും സംവിധായകനുമായ ചേരന് ചിത്രത്തില് പ്രധാനവേഷത്തില് അഭിനയിക്കുന്നുണ്ട്. ചേരന്റെ ആദ്യ മലയാള സിനിമയാണ് നരിവേട്ട. സുരാജ് വെഞ്ഞാറമൂട്, ആര്യ സലിം, റിനി ഉദയകുമാര്, പ്രിയംവദ കൃഷ്ണന് എന്നിവരാണ് മറ്റു പ്രധാനതാരങ്ങള്.
ഇന്ത്യന് സിനിമാ കമ്പനിയുടെ ബാനറില് ഷിയാസ് ഹസ്സന്, ടിപ്പു ഷാന് എന്നിവര് ചേര്ന്നാണ് 'നരിവേട്ട' നിര്മിക്കുന്നത്. കേന്ദ്ര സാഹിത്യ ആക്കാദമി അവാര്ഡ് ജേതാവ് അബിന് ജോസഫ് ആണ് ചിത്രത്തിന്റെ തിരക്കഥ രചിച്ചിരിക്കുന്നത്. ചിത്രത്തിന്റെ തമിഴ്നാട് ഡിസ്ട്രിബ്യൂഷന് ഏറ്റെടുത്തത് എജിഎസ് എന്റര്ടെയ്ന്മെന്റ്സ് ആണ്.
ടൊവിനോ തോമസ് വര്ഗീസ് പീറ്റര് എന്ന പോലീസ് കോണ്സ്റ്റബിളിനെ അവതരിപ്പിക്കുമ്പോള്, സുരാജ് ഹെഡ് കോണ്സ്റ്റബിള് ബഷീര് അഹമ്മദ് എന്ന കഥാപാത്രത്തേയും ചേരന് ഡിഐജി രഘുറാം കേശവ് എന്ന കഥാപാത്രത്തെയും അവതരിപ്പിക്കുന്നു. പൂര്ണമായും പോലീസ് പശ്ചാത്തലത്തിലൂടെ അവതരിപ്പിക്കുന്ന ചിത്രത്തില് വലിയൊരു ദൗത്യത്തില് പങ്കെടുക്കേണ്ടി വരുന്നതാണ് ഈ കഥാപാത്രങ്ങള്. യഥാര്ഥ സംഭവങ്ങളില്നിന്ന് ചില പോലീസ് കേസുകളുമായുള്ള ഏതാനും സാമ്യതകളും സിനിമയ്ക്കുണ്ടെന്നാണ് ട്രെയ്ലര് വ്യക്തമാക്കുന്നത്.
ചിത്രത്തിന്റെ കൊമേഴ്ഷ്യല്, പൊളിറ്റിക്കല് ഘടകങ്ങളെ കുറിച്ച് സോഷ്യല് മീഡിയയില് ചര്ച്ചകള് തുടരുന്നതും ചിത്രത്തിനോട് പ്രേക്ഷകര്ക്കുള്ള പ്രതീക്ഷയാണ് സൂചിപ്പിക്കുന്നത്. 'നരിവേട്ട'യുടെ ട്രെയ്ലറും 'മിന്നല്വള..' എന്ന ഗാനവും ഇപ്പോഴും സോഷ്യല് മീഡിയയില് ട്രെന്ഡിങ്ങാണ്. നാട്ടിന്പുറ കാഴ്ചകളും പ്രണയവും നിറയുന്ന ഗാനം 65 ലക്ഷം പേരാണ് ഇതിനോടകം കണ്ടുകഴിഞ്ഞത്. റൊമാന്റിക് പശ്ചാത്തലത്തിലാണ് ഗാനരംഗങ്ങളെങ്കിലും ചിത്രത്തിന്റെ പേരും ട്രെയ്ലറുമൊക്കെ സൂചിപ്പിക്കുന്നത് ഇതൊരു പൊളിറ്റിക്കല് ക്രൈംത്രില്ലര് മൂവിയാണെന്നാണ്.
എക്സിക്യൂട്ടീവ് പ്രൊഡ്യൂസര്: എന്.എം. ബാദുഷ, ഛായാഗ്രഹണം: വിജയ്, സംഗീതം: ജേക്സ് ബിജോയ്, വരികള്: കൈതപ്രം, എഡിറ്റര്: ഷമീര് മുഹമ്മദ്, ആര്ട്ട്: ബാവ, വസ്ത്രാലങ്കാരം: അരുണ് മനോഹര്, മേക്കപ്പ്: അമല് സി. ചന്ദ്രന്, പ്രൊജക്റ്റ് ഡിസൈനര്: ഷെമിമോള് ബഷീര്, പ്രൊഡക്ഷന് ഡിസൈന്: എം. ബാവ, പ്രൊഡക്ഷന് കണ്ട്രോളര്: സക്കീര് ഹുസൈന്, സൗണ്ട് ഡിസൈന്: രംഗനാഥ് രവി, പിആര്ഒ ആന്ഡ് മാര്ക്കറ്റിങ്: വൈശാഖ് വടക്കേവീട്, ജിനു അനില്കുമാര്, ചീഫ് അസോസിയേറ്റ് ഡയറക്ടര്: രതീഷ് കുമാര് രാജന്, സൗണ്ട് മിക്സ്: വിഷ്ണു പി.സി, സ്റ്റീല്സ്: ഷൈന് സബൂറ, ശ്രീരാജ് കൃഷ്ണന്, ഡിസൈന്സ്: യെല്ലോടൂത്ത്, മ്യൂസിക് റൈറ്റ്സ്: സോണി മ്യൂസിക് സൗത്ത്.
Content Highlights: Tovino Thomas movie Narivetta directed by Anuraj Manohar, releases worldwide on May 23rd
Published: 11 May 2025, 08:02 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented