പത്തനംതിട്ട: ശബരിമലയില് നടന് മമ്മൂട്ടിയുടെ പേരില് വഴിപാട് നടത്തി മോഹന്ലാല്. ഉഷഃപൂജ വഴിപാടാണ് മോഹന്ലാല് നടത്തിയത്. മുഹമ്മദ് കുട്ടി എന്ന പേരിൽ വിശാഖം നക്ഷത്രത്തിലാണ് വഴിപാട് നടത്തിയത്. ഭാര്യ സുചിത്രയുടെ പേരിലും മോഹന്ലാല് വഴിപാട് നടത്തി. ശബരിമലയിലേക്ക് പോകുംമുമ്പ് കഴിഞ്ഞദിവസം മോഹന്ലാല് മമ്മൂട്ടിയുമായി സംസാരിക്കുകയും ശബരിമലദർശനത്തിന്റെ കാര്യം അറിയിക്കുകയും ചെയ്തിരുന്നെന്നാണ് വിവരം.
ചൊവ്വാഴ്ച മോഹന്ലാല് സുഹൃത്തുക്കള്ക്കൊപ്പമാണ് ദര്ശനത്തിനായി ശബരിമലയില് എത്തിയത്. പമ്പയിലെ ഗണപതി കോവിലില്നിന്ന് കെട്ടുനിറച്ചാണ് മലകയറിയത്. സന്ധ്യയോടെ അയ്യപ്പദര്ശനം നടത്തി. രാത്രിയോടെ അദ്ദേഹം മലയിറങ്ങി.
മോഹന്ലാല് ശബരിമലയിലെത്തിയ ദൃശ്യങ്ങള് നേരത്തെ വൈറലായിരുന്നു. സിനിമ പ്രേക്ഷകര് ഏറെ ആകാംക്ഷയോടെ കാത്തിരിക്കുന്ന എമ്പുരാന്റെ റിലീസിന് ദിവസങ്ങള്ക്ക് മുമ്പാണ് മോഹന്ലാല് അയ്യപ്പദര്ശനത്തിനായി ശബരിമലയില് എത്തിയത്. മാര്ച്ച് 27-നാണ് മോഹന്ലാലിനെ നായകനാക്കി പൃഥ്വിരാജ് സംവിധാനംചെയ്ത എമ്പുരാന് പ്രദര്ശനത്തിനെത്തുന്നത്.
Content Highlights: Mohanlal performed a special prayer at Sabarimala for Mammootty
Published: 18 Mar 2025, 08:51 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented