പത്തനംതിട്ട: മലയാള സിനിമയിൽ കുറച്ചുകാലമായി വലിയ ആവേശമുണർത്തിയ റീ- റിലീസ് ചിത്രങ്ങളുടെ എണ്ണം കുറയുന്നു. 2026-ൽ ഇതുവരെ 'റൺ ബേബി റൺ' എന്ന ഒരു മലയാളം ചിത്രം മാത്രമാണ് റീ- റിലീസ് ചെയ്തത്.

To advertise here,

ആദ്യഘട്ടത്തിൽ പഴയ ചിത്രങ്ങൾ വീണ്ടുമെത്തിയത് സമൂഹമാധ്യമങ്ങളിലടക്കം വലിയ ചർച്ചകൾക്ക് വഴിവെച്ചിരുന്നു. ഇപ്പോൾ അത്ര ആവേശം കാണുന്നില്ല.

പല ചിത്രങ്ങൾക്കും പ്രതീക്ഷിച്ച സാമ്പത്തികനേട്ടം ഉണ്ടാകാത്തതാണ് റീ- റിലീസുകൾ കുറയാൻ പ്രധാന കാരണം. തുടരെ സിനിമകൾ റീ- റിലീസ് ചെയ്യുന്നതും ലാഭകരമാകില്ലെന്ന് വിതരണമേഖലയിൽ ഉള്ളവർ പറയുന്നു.

2023-ൽ സ്ഫടികം മുതൽ പന്ത്രണ്ട് ചിത്രങ്ങൾ മലയാളത്തിൽ റീ- റിലീസ്ചെയ്തു. ലിമിറ്റഡ് സ്ക്രീനുകളിൽ റീ റിലീസ് ചെയ്ത ചിത്രങ്ങളുടെ കണക്ക് ഒഴിവാക്കിയാണിത്. ഇവയിൽ ദേവദൂതൻ, മണിച്ചിത്രത്താഴ്, ചോട്ടാമുംബൈ, രാവണപ്രഭു, സ്ഫടികം എന്നീ ചിത്രങ്ങൾ നേട്ടമുണ്ടാക്കി.