മുംബൈ ഭീകരാക്രണത്തിനിടയിൽ കൊല്ലപ്പെട്ട മലയാളി സൈനികൻ മേജർ സന്ദീപ് ഉണ്ണിക്കൃഷ്ന്റെ ജീവിതം ആസ്പദമാക്കി നിർമിച്ച മേജർ എന്ന ചിത്രത്തിന്റെ ട്രെയ്ലർ പുറത്തിറങ്ങി. ആവേശമുണർത്തുന്ന രംഗങ്ങളാൽ സമ്പന്നമാണ് ട്രെയിലർ. ആദിവി ശേഷ് ആണ് സന്ദീപായി എത്തുന്നത്.
പ്രകാശ് രാജ്, രേവതി എന്നിവരാണ് സന്ദീപിന്റെ അച്ഛനമ്മമാരായി എത്തുന്നത്. മുരളി ശർമയാണ് മറ്റൊരു താരം. ശോഭിത ധുലിപാല, സായി മഞ്ജരേക്കർ എന്നിവരാണ് നായികമാർ. ആദിവി ശേഷ് തന്നെയാണ് കഥയും തിരക്കഥയുമൊരുക്കിയിരിക്കുന്നത്.
ശ്രീ ചരൺ പകാല സംഗീതസംവിധാനവും വംശി പച്ചിപുലുസു ഛായാഗ്രഹണവും നിർവഹിച്ചിരിക്കുന്നു. തെലുങ്കിൽ ഒരുക്കിയിരിക്കുന്ന ചിത്രത്തിന്റെ മലയാള സംഭാഷണങ്ങൾ യദു-അഭിജിത് എം എന്നിവരാണ് എഴുതിയിരിക്കുന്നത്.
നടന്‍ മഹേഷ് ബാബുവിന്റെ ഉടമസ്ഥതയിലുള്ള ജി മഹേഷ് ബാബു എന്റര്‍ടെയ്ന്‍മെന്റ്‌സും സോണി പിക്‌ചേഴ്‌സ് ഇന്റര്‍നാഷണല്‍ പ്രൊഡക്ഷന്‍സും ചേര്‍ന്നാണ് നിര്‍മാണം. പിആർഒ: ആതിര ദിൽജിത്
2008ലെ ഭീകരാക്രമണത്തിനിടെ 14 പേരെ രക്ഷിച്ച എന്‍.എസ്.ജി കമാന്‍ഡോയാണ് മലയാളിയായ മേജര്‍ സന്ദീപ് ഉണ്ണികൃഷ്ണന്‍. പരിക്ക് പറ്റിയ സൈനികനെ രക്ഷിക്കുന്നതിനിടെയായിരുന്നു അദ്ദേഹം ഭീകരരുടെ വെടിയേറ്റു മരിക്കുന്നത്. സന്ദീപിന്റെ ധീരതക്ക് മരണാനന്തര ബഹുമതിയായി രാജ്യം അശോക ചക്ര നല്‍കി ആദരിച്ചിരുന്നു.
Content Highlights: Major Sandeep Unnikrishnan's life in big screen, Major Movie Trailer, Adivi Sesh
Published: 10 May 2022, 10:40 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented