യൂത്തിന് വേണ്ടി ഒരുക്കിയ 'ആലപ്പുഴ ജിംഖാന' എന്ന സൂപ്പര്‍ഹിറ്റ് ചിത്രത്തിന് ശേഷം ഖാലിദ് റഹ്‌മാന്‍ സംവിധാനം ചെയ്യുന്ന ഏറ്റവും പുതിയ സിനിമയുടെ വിവരങ്ങള്‍ ഔദ്യോഗികമായി പുറത്തുവിട്ടു. യൂണിവേഴ്‌സല്‍ സിനിമയുടെയും പ്ലാന്‍ ബി മോഷന്‍ പിക്‌ച്ചേഴ്‌സിന്റെയും ബാനറില്‍ ബി. രാകേഷ് ആണ് ചിത്രം നിര്‍മിക്കുന്നത്. പ്ലാന്‍ ബി മോഷന്‍ പിക്‌ച്ചേഴ്‌സിന്റെ ആദ്യനിര്‍മാണസംരംഭമായിരുന്നു 'ആലപ്പുഴ ജിംഖാന'.
'അനുരാഗ കരിക്കിന്‍ വെള്ളം', 'ഉണ്ട', 'ലൗവ്', 'തല്ലുമാല' എന്നിങ്ങനെ വ്യത്യസ്ത ഴോണറുകളിലുളള മികച്ച സിനിമകള്‍ മലയാളത്തിന് സമ്മാനിച്ച ഖാലിദ് റഹ്‌മാന്‍ മലയാളസിനിമയുടെ ഒരു ബ്രാന്‍ഡ് ആയി മാറികൊണ്ടിരിക്കുന്ന സാഹചര്യത്തിലാണ് പുതിയ സിനിമയുടെ പ്രഖ്യാപനം കൂടി വന്നിരിക്കുന്നത്. ബോക്‌സ് ഓഫീസിലെ തകര്‍പ്പന്‍ പ്രകടനത്തിന് ശേഷം ഒടിടിയില്‍ ഗംഭീര വരവേല്‍പ്പാണ് 'ആലപ്പുഴ ജിംഖാന' എന്ന ഖാലിദ് റഹ്‌മാന്‍ ചിത്രത്തിന് ലഭിച്ചത്.
മികച്ച കളക്ഷന്‍ റിപ്പോര്‍ട്ടുകള്‍ സ്വന്തമാക്കാറുള്ള ഖാലിദ് റഹ്‌മാന്റെ പുതിയ ചിത്രവും പ്രേക്ഷക സ്വീകാര്യത നേടുമെന്നാണ് ഇതിനോടകം തന്നെ സോഷ്യല്‍ മീഡിയയില്‍ ഉയര്‍ന്നുവരുന്ന അഭിപ്രായം. സിനിമയുമായി ബന്ധപ്പെട്ട കൂടുതല്‍ വിവരങ്ങള്‍ ഉടന്‍ തന്നെ പുറത്തു വരുമെന്നാണ് പ്രതീക്ഷിക്കുന്നത്.
Content Highlights: After Alappuzha Gymkhana, Khalid Rahman announces next
Published: 27 Jun 2025, 08:30 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented