കാന്താര: ചാപ്റ്റര് 1 എന്ന ചിത്രത്തിന്റെ ഷൂട്ടിങ് പൂർത്തിയായി. ഇതിന് പിന്നാലെ ചിത്രീകരണം പൂർത്തിയായതായി അറിയിച്ചുകൊണ്ട് ഹോംബാലെ ഫിലിംസ് ചിത്രത്തിന്റെ മേക്കിങ് വീഡിയോയും പുറത്തുവിട്ടു. 125 കോടി ബജറ്റിൽ നിർമിച്ചിരിക്കുന്ന ചിത്രം ഒക്ടോബർ രണ്ടിന് തിയേറ്ററുകളിലെത്തും.
ഋഷഭ് ഷെട്ടി രചനയും സംവിധാനവും നിർവഹിച്ച് 2022-ല് പുറത്തിറങ്ങിയ കാന്താര ബോക്സ് ഓഫീസ് ഹിറ്റ് ചിത്രമായിരുന്നു. കെജിഎഫ്, കാന്താര, സലാര് തുടങ്ങിയ ബ്ലോക്ക്ബസ്റ്ററുകള് നിര്മിച്ച ഇന്ത്യയിലെ മുന്നിര പാന്-ഇന്ത്യ പ്രൊഡക്ഷന് ഹൗസായ ഹോംബാലെ ഫിലിംസാണ് ചാപ്റ്റര് 1-ന്റെയും നിര്മാതാക്കള്. ഏറെ പ്രതീക്ഷയോടെയാണ് കാന്താര: ചാപ്റ്റര് 1-നായി പ്രേക്ഷകര് കാത്തിരിക്കുന്നത്.
മൂന്ന് വർഷമാണ് കാന്താര: ചാപ്റ്റര് 1 എന്ന ചിത്രത്തിൻറെ ഷൂട്ടിംഗ് പൂർത്തിയാക്കാനായി വേണ്ടിവന്നത്. 2022-ൽ പുറത്തിറങ്ങിയ കാന്താരയുടെ പ്രീക്വലായാണ് ചിത്രത്തിന്റെ രണ്ടാം ഭാഗം എത്തുക. മുൻപ് പുറത്തുവിട്ട രണ്ടാം ഭാഗത്തിൻറെ അനൗൺസ്മെന്റ് പോസ്റ്ററും ടീസറും ട്രെൻഡിങ് ആയിരുന്നു.
ദേശീയ, അന്തര്ദേശീയ സ്പെഷ്യലിസ്റ്റുകളെ ഉള്പ്പെടുത്തിയും 500-ലധികം വൈദഗ്ധ്യമുള്ള പോരാളികളെ നിയമിച്ചും 3000 പേരെ ഉള്പ്പെടുത്തിയുമാണ് കാന്താര ചാപ്റ്റര്-1-നായി നിര്മാതാക്കള് വിപുലമായ യുദ്ധരംഗം ഒരുക്കിയതെന്ന് റിപ്പോർട്ടുകളുണ്ടായിരുന്നു. ഏകദേശം 45-50 ദിവസത്തേക്ക് സംസ്ഥാനത്തെ ഭൂപ്രദേശങ്ങളില് സ്ഥിതി ചെയ്യുന്ന 25 ഏക്കര് പട്ടണത്തിലാണ് ഈ പരമ്പര ചിത്രീകരിച്ചത്. പിആർഓ -മഞ്ജു ഗോപിനാഥ്
Content Highlights: Kantara Prequel: Chapter 1 Wraps Filming, ₹125 Crore Epic Set for October 2nd Release
Published: 24 Jul 2025, 02:41 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented