ലോക്ഡൗൺ പ്രഖ്യാപിച്ചപ്പോൾ സിനിമാത്തിരക്കുകൾ വിട്ട്‌ ഒഴിവുസമയം ലഭിച്ച ജോജു ജോർജ് വീട്ടിൽ വെറുതെയിരുന്നില്ല. ചെറിയൊരു പച്ചക്കറിത്തോട്ടമുണ്ടാക്കുകയും മൃഗങ്ങളെ വളർത്താനും തുടക്കമിട്ടുവെന്നു പറയുകയാണ് നടൻ. കൃഷിയുടെ ചില ചിത്രങ്ങളും ജോജു ഫെയ്സ്ബുക്കിലൂടെ പങ്കുവെക്കുന്നുണ്ട്.

To advertise here,

രണ്ട് വെച്ചൂർ പശുക്കളും ഒരാടും നാടൻ കോഴിയും മീനും കുറേ പച്ചക്കറികളുമുണ്ടെന്ന് ജോജു. തിരക്കഥാകൃത്ത് സജീവ് പാഴൂരാണ് തനിക്ക് പ്രചോദനമേകിയതെന്നും അദ്ദേഹത്തിന്റെ വീട്ടിൽ ഭംഗിയുള്ള പച്ചക്കറിത്തോട്ടമുണ്ടെന്നും പച്ചക്കറികളോ മീനോ ഒന്നും പുറമെ നിന്നും വാങ്ങാറില്ലെന്നും ജോജു പറയുന്നു.

ഇതൊരു തുടക്കമാണെന്നും കുടുംബാംഗങ്ങൾക്കും കുട്ടികൾക്കുമൊക്കെ വിഷമില്ലാത്ത നല്ല ഭക്ഷണം കഴിക്കാമല്ലോയെന്നും ജോജു പറയുന്നു. ഏവരും ഇതു പിൻതുടരേണ്ടതാണെന്നും ജോജു കുറിക്കുന്നു.

Content Highlights :joju george starts house farming poultry farming vegetable garden photos