പ്രേക്ഷകരേവരുമേറ്റെടുത്ത 'മന്ദാകിനി' എന്ന ചിത്രത്തിന് ശേഷം നടന് അല്ത്താഫ് സലീമും അനാര്ക്കലി മരിക്കാറും വീണ്ടും ഒന്നിക്കുന്ന 'ഇന്നസെന്റ്' നവംബര് ഏഴ് വെള്ളിയാഴ്ച തീയേറ്ററുകളിലെത്തും. സോഷ്യല് മീഡിയ താരം ടാന്സാനിയന് സ്വദേശി കിലി പോള് ആദ്യമായി അഭിനയിക്കുന്ന ചിത്രമെന്ന നിലയില് 'ഇന്നസെന്റ്' ഇതിനകം ഏറെ ശ്രദ്ധ നേടിക്കഴിഞ്ഞിട്ടുണ്ട്. ഇപ്പോഴിതാ ചിത്രത്തില് ബിജു എന്ന കഥാപാത്രമായി എത്തുന്ന ആര്ജെ മിഥുന്റെ ക്യാരക്ടര് പോസ്റ്റര് പുറത്തുവിട്ടിരിക്കുകയാണ് അണിയറപ്രവര്ത്തകര്.
'ബിജുവിനെ പരിചയപ്പെടൂ. ഓരോ സംഭാഷണത്തിന്റേയും ജീവന്, ഓരോ ഫ്രെയ്മിലും ചിരി നിറയ്ക്കുന്നവന്', എന്ന ക്യാപ്ഷനുമായാണ് ക്യാരക്ടര് പോസ്റ്റര് പുറത്തുവിട്ടിരിക്കുന്നത്. ചിത്രത്തില് രസകരമായ കഥാപാത്രമായാണ് മിഥുന് എത്തുന്നതെന്നാണ് സൂചന.
'ഇന്നസെന്റ്' റിലീസ് ദിനത്തില് തീയേറ്ററുകളില് മെഗാ കൈകൊട്ടിക്കളി നടക്കും. 120 റിലീസ് കേന്ദ്രങ്ങളില് ഒരേ സമയം കൈകൊട്ടിക്കളി നടത്തുന്നതിലൂടെ ബെസ്റ്റ് ഓഫ് ഇന്ത്യ വേള്ഡ് റെക്കോര്ഡില് ഇടം നേടുകയാണ് 'ഇന്നസെന്റ്' ടീം ലക്ഷ്യമിടുന്നത്.
സിനിമയുടെ ഫസ്റ്റ് ലുക്ക് പോസ്റ്ററും സെക്കന്ഡ് ലുക്ക് പോസ്റ്ററും മുമ്പ് ശ്രദ്ധ നേടിയിരുന്നതാണ്. ചിത്രം ഒരു ടോട്ടല് ഫണ് റൈഡ് ആണെന്നാണ് അടുത്തിടെ പുറത്തിറങ്ങിയ ട്രെയ്ലര് നല്കുന്ന സൂചന. കഴിഞ്ഞ ദിവസം പുറത്തുവന്ന റിലീസ് അനൗണ്സ്മെന്റ് പോസ്റ്ററും ഏവരും ഏറ്റെടുത്തിരുന്നു. വിവാഹത്തിന്റെ സേവ് ദ ഡേറ്റ് മോഡലിലുള്ളതായിരുന്നു പോസ്റ്റര്. അല്ത്താഫും നടി അന്ന പ്രസാദുമായിരുന്നു പോസ്റ്ററിലുണ്ടായിരുന്നത്.
കിലി പോള് ഭാഗവതരായെത്തി 'കാക്കേ കാക്കേ കൂടെവിടെ'യുടെ ശാസ്ത്രീയ വേര്ഷന് പാടി ഞെട്ടിച്ചത് അടുത്തിടെയാണ്. ശാസ്ത്രീയ സംഗീതത്തില് നിന്ന് നേരെ 'പൊട്ടാസ് പൊട്ടിത്തെറി' എന്ന ഫാസ്റ്റ് നമ്പറിലേക്കുള്ള ഷിഫ്റ്റും ഏവരും ഏറ്റെടുക്കുകയുണ്ടായി. സിനിമയിലെ മൂന്നാമത് ഗാനമായി 'അതിശയം' എത്തിയത് അടുത്തിടെയാണ്. പാടിയത് സംഗീതലോകത്തെ പുത്തന് താരോദയമായ ഹനാന് ഷായും നിത്യ മാമ്മനും ചേര്ന്നാണ്. രേഷ്മ രാഘവേന്ദ്ര ആലപിച്ച നാടന് ശൈലിയിലുള്ള 'അമ്പമ്പോ' എന്ന് തുടങ്ങുന്ന ഗാനവും ഏറെ ശ്രദ്ധ നേടിയിരുന്നു. കഴിഞ്ഞ ദിവസം പുറത്തിറങ്ങിയ 'ഡും ഡും ഡും' എന്ന ഗാനവും ഏവരും ഏറ്റെടുത്തിട്ടുണ്ട്.
സര്ക്കാര് ഓഫീസിലെ നൂലാമാലകളും മറ്റുമൊക്കെയായി പ്രായഭേദമെന്യേ ചിരിച്ചാഘോഷിച്ച് കാണാന് പറ്റുന്ന ചിത്രമെന്നാണ് ട്രെയ്ലറില്നിന്ന് അറിയാനാകുന്നത്. ജോമോന് ജ്യോതിര്, അസീസ് നെടുമങ്ങാട്, മിഥുന്, നോബി, അന്ന പ്രസാദ്, ലക്ഷ്മി സഞ്ജു, വിനീത് തട്ടില്, അശ്വിന് വിജയന്, ഉണ്ണി ലാലു തുടങ്ങി നിരവധി താരങ്ങളാണ് ചിത്രത്തില് ഒരുമിക്കുന്നത്. എലമെന്റ്സ് ഓഫ് സിനിമയുടെ ബാനറില് എം. ശ്രീരാജ് എ.കെ.ഡി. നിര്മിക്കുന്ന സിനിമ സംവിധാനം ചെയ്യുന്നത് സതീഷ് തന്വിയാണ്. പ്രമുഖതാരങ്ങള്ക്കൊപ്പം സിനിമയില് പ്രവര്ത്തിച്ചുകൊണ്ടുതന്നെ സിനിമ പഠിക്കുവാനുള്ള അവസരം വിദ്യാര്ഥികള്ക്ക് നല്കുന്ന ഇന്സ്റ്റിറ്റ്യൂട്ടായ 'എലമെന്റ്സ് ഓഫ് സിനിമ'യുടെ ആദ്യ നിര്മാണ സംരംഭം കൂടിയാണ് ചിത്രം എന്ന പ്രത്യേകതയുമുണ്ട്.
ജി. മാര്ത്താണ്ഡന്, അജയ് വാസുദേവ്, ഡിക്സണ് പൊടുത്താസ്, നജുമുദ്ദീന് എന്നിവരാണ് എക്സിക്യൂട്ടീവ് പ്രൊഡ്യൂസര്മാര്. ഷിഹാബ് കരുനാഗപ്പള്ളിയുടെ കഥയ്ക്ക് ഷിഹാബും സര്ജി വിജയനും സതീഷ് തന്വിയും ചേര്ന്നാണ് തിരക്കഥയും സംഭാഷണവും ഒരുക്കിയിരിക്കുന്നത്. പൂര്ണ്ണമായും കോമഡി ജോണറിലുള്ളതാണ് ചിത്രം.
ഛായാഗ്രഹണം: നിഖില് എസ്. പ്രവീണ്, എഡിറ്റര്: റിയാസ് കെ. ബദര്, സംഗീതം: ജയ് സ്റ്റെല്ലാര്, ഗാനരചന: വിനായക് ശശികുമാര്, കോസ്റ്റ്യൂം: ഡോണ മറിയം ജോസഫ്, മേക്കപ്പ്: സുധി സുരേന്ദ്രന്, ആര്ട്ട്: മധു രാഘവന്, ചീഫ് അസോസിയേറ്റ്: സുമിലാല് സുബ്രഹ്മണ്യന്, അനന്തു പ്രകാശന്, പ്രൊഡക്ഷന് കണ്ട്രോളര്: സുരേഷ് മിത്രക്കരി, ചീഫ് അസോസിയേറ്റ് ക്യാമറമാന്: തന്സിന് ബഷീര്, പബ്ലിസിറ്റി ഡിസൈന്: യെല്ലോടൂത്ത്സ്, വിതരണം: സെഞ്ച്വറി ഫിലിംസ്, പിആര്ഒ: ആതിര ദില്ജിത്ത്, മാര്ക്കറ്റിങ് ആന്ഡ് കമ്മ്യൂണിക്കേഷന്സ്: ശ്രീജിത്ത് ശ്രീകുമാര്.
Content Highlights: RJ Mithun dons the role of Biju in `Innocent,` a fun-filled comedy releasing this Friday. Starring Altaf Salim, Anarkali Marikar, and Kili Paul
Published: 03 Nov 2025, 09:11 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented