മുംബൈ: മുന്‍ ഭാര്യയും ഇന്റീരിയര്‍ ഡിസൈനറുമായ സൂസന്‍ ഖാന്റെ പിറന്നാളാഘോഷത്തില്‍ പങ്കെടുത്ത് ബോളിവുഡ് താരം ഹൃത്വിക് റോഷന്‍. അടുത്ത സുഹൃത്തുക്കള്‍ക്കും കുടുംബാംഗങ്ങള്‍ക്കുമായി സൂസന്‍ സംഘടിപ്പിച്ച പാര്‍ട്ടിയിലെ ഹൃത്വിക്കിന്റെ സാന്നിധ്യം ആരാധകര്‍ക്കും സന്തോഷം പകര്‍ന്നു.
നടനും മോഡലുമായ അലി ഗോണി പങ്കിട്ട, സൂസന്റെ പിറന്നാളാഘോഷത്തിന്റെ വീഡിയോയില്‍ ഹൃത്വിക്കിനെയും കാണാം. സൂസന്റെ ബോയ്ഫ്രണ്ടായ നടന്‍ അര്‍സ്ലാന്‍ ഗോണിയും പാര്‍ട്ടിയില്‍ പങ്കെടുത്തിരുന്നു. കരിഷ്മ തന്ന, ജാസ്മിന്‍ ഭാസി എന്നിവരും പാര്‍ട്ടിയില്‍ സാന്നിധ്യമറിയിച്ചു.
നടന്‍ സഞ്ജയ് ഖാന്റെ മകളായ സൂസന്‍ 2000 ഡിസംബറിലാണ് ഹൃത്വിക് റോഷനെ വിവാഹം ചെയ്യുന്നത്. ഇരുവര്‍ക്കും ഹ്രെഹാന്‍, ഹൃദാന്‍ എന്നീ രണ്ട് ആണ്‍മക്കളുമുണ്ട്. 14 വര്‍ഷത്തെ ദാമ്പത്യത്തിനു ശേഷം 2014-ലാണ് ഇരുവരും പിരിയുന്നത്. എന്നാല്‍ ഇരുവരും തങ്ങള്‍ക്കിടയിലെ സൗഹൃദം അവസാനിപ്പിച്ചില്ല. മക്കള്‍ക്കൊപ്പം സമയം ചിലവഴിക്കാനും ഇരുവരും ഒന്നിച്ച് സമയം കണ്ടെത്താറുണ്ട്.
Content Highlights: Bollywood actor Hrithik Roshan attended his ex-wife Susan Khan`s birthday party
Published: 27 Oct 2024, 08:29 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented