ചെന്നൈ: തമിഴ് ചലച്ചിത്രതാരങ്ങളുടെ സംഘടനയായ നടികർ സംഘത്തിന്റെപേരിൽ ഓൺലൈനായി പണപ്പിരിവ് നടത്തുന്നുവെന്ന് പരാതി.
നടികർ സംഘത്തിന്റെ ഉടമസ്ഥതയിൽ ചെന്നൈ ടി നഗറിലുള്ള സ്ഥലത്ത് കെട്ടിടംനിർമിക്കുന്നതിന് പണം വേണമെന്നുപറഞ്ഞ് പിരിവുനടത്തുന്നുവെന്നാണ് സംഘടനാപ്രസിഡന്റും നടനുമായ നാസർ, ചെന്നൈ സിറ്റി പോലീസിൽ നൽകിയ പരാതിയിൽ ആരോപിക്കുന്നത്. നാസറിന്റെപേരിലാണ് പലർക്കും അഭ്യർഥന അയയ്ക്കുകയും പണംവാങ്ങുകയും ചെയ്യുന്നത്.
ഏഴുവർഷംമുമ്പാണ് ടി നഗറിൽ നടികർ സംഘം കെട്ടിടസമുച്ചയത്തിന്റെ നിർമാണം ആരംഭിച്ചത്. എന്നാൽ, കോവിഡ് അടക്കമുള്ള കാരണങ്ങളാലും സാമ്പത്തിക പ്രശ്നംമൂലവും പണി മുടങ്ങുകയായിരുന്നു.
താരങ്ങളായ വിജയ്, കമൽഹാസൻ, തമിഴ്നാട് കായികമന്ത്രി ഉദയനിധി സ്റ്റാലിൻ തുടങ്ങിയവർ ഒരോ കോടി രൂപവീതം സംഭാവനചെയ്തതോടെ കഴിഞ്ഞിടയ്ക്ക് പണി പുനരാരംഭിക്കാൻ തീരുമാനിച്ചിരുന്നു. ഇതിനിടയിലാണ് തട്ടിപ്പുനടക്കുന്നതായി ശ്രദ്ധയിൽപ്പെട്ടത്.
Content Highlights: fakers collecting money in the name of tamil actors organization
Published: 01 May 2024, 07:08 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented