അനുകരണ ലോകത്തു നിന്ന് മലയാള സിനിമാ ലോകത്തേക്കെത്തി അഭിനയത്തില് ദേശീയ സംസ്ഥാന അംഗീകാരങ്ങള് കരസ്ഥമാക്കിയ സുരാജ് വെഞ്ഞാറമ്മൂട് തന്റെ കരിയറില് വേഷപ്പകര്ച്ച കൊണ്ടും പ്രകടനം കൊണ്ടും പ്രേക്ഷകരെ ഞെട്ടിക്കുമെന്നു ഉറപ്പു നല്കുന്ന ഇ ഡിയുടെ (എക്സ്ട്രാ ഡീസെന്റ്) ട്രെയ്ലര് റിലീസായി.
ആമിര് പള്ളിക്കാല് സംവിധാനം ചെയ്യുന്ന ഡാര്ക്ക് ഹ്യൂമര് ജോണറിലൊരുങ്ങിയ ഈ ചിത്രത്തിന്റെ ട്രൈലറില് ഇതുവരെ കാണാത്ത ലുക്കിലുള്ള സുരാജ് വെഞ്ഞാറമ്മൂടിനെയാണ് പ്രേക്ഷകര്ക്ക് സമ്മാനിക്കുന്നത്. ഇരുപത്തിയൊന്ന് വര്ഷത്തെ തന്റെ അഭിനയ ജീവിതത്തില് നിര്മ്മാണ രംഗത്തേക്ക് ആദ്യമായി സുരാജ് വെഞ്ഞാറമ്മൂട് ചുവട് വയ്ക്കുന്ന ചിത്രം കൂടിയാണ് ഇ ഡി.
ട്രെയ്ലറിലെ സൂചനയില് നിന്ന് ഒരു സൈക്കോ കഥാപാത്രമായി ഇതുവരെ സിനിമകളില് ചെയ്ത കഥാപാത്രങ്ങളില് നിന്നും വ്യത്യസ്തമായി വേറിട്ട ഗെറ്റപ്പില് ഗംഭീര അഭിനയപ്രകടനവുമാണ് സുരാജ് കാഴ്ച വെക്കുന്നത്.
ഒരു കുടുംബത്തെ ചുറ്റിപറ്റിയുള്ള കഥയില് സുരാജ് വെഞ്ഞാറമൂട്, ഗ്രേസ് ആന്റണി, പ്രേമലു ഫെയിം ശ്യാം മോഹന് എന്നിവരുടെ ഫണ് കോമ്പോയാണ് സിനിമയുടെ ഹൈലൈറ്റ്. സഹ അഭിനേതാക്കളും മികച്ച പ്രകടനമാണ് ഇ ഡി (എക്സ്ട്രാ ഡീസെന്റില്) നടത്തുന്നത്. സുരാജ് വെഞ്ഞാറമൂടിനോടൊപ്പം ഗ്രേസ് ആന്റണി, ശ്യാം മോഹന്, വിനയപ്രസാദ്, റാഫി, സുധീര് കരമന, ദില്ന പ്രശാന്ത് അലക്സാണ്ടര്, ഷാജു ശ്രീധര്, സജിന് ചെറുകയില്, വിനീത് തട്ടില് എന്നിവരാണ് ചിത്രത്തിലെ മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ആഷിഫ് കക്കോടിയാണ് ചിത്രത്തിന്റെ രചന നിര്വഹിക്കുന്നത്.
പ്രമുഖ നിര്മ്മാതാവായ ലിസ്റ്റിന് സ്റ്റീഫന്റെ മാജിക് ഫ്രെയിംസും സുരാജ് വെഞ്ഞാറമ്മൂടിന്റെ വിലാസിനി സിനിമാസും ചേര്ന്ന് നിര്മ്മിക്കുന്ന ഇ.ഡി(എക്സ്ട്രാ ഡീസന്റ്) ഈ മാസം 20-ന് തിയേറ്ററുകളിലേക്കെത്തും.
ഇ ഡി യുടെ അണിയറ പ്രവര്ത്തകര് ഇവരാണ്. കോ പ്രൊഡ്യൂസര് : ജസ്റ്റിന് സ്റ്റീഫന്, ലൈന് പ്രൊഡ്യൂസര് : സന്തോഷ് കൃഷ്ണന്, ഡി ഓ പി : ഷാരോണ് ശ്രീനിവാസ്, മ്യൂസിക് : അങ്കിത് മേനോന്, എഡിറ്റര് : ശ്രീജിത്ത് സാരംഗ്, ആര്ട്ട് : അരവിന്ദ് വിശ്വനാഥന്, എക്സികുട്ടിവ് പ്രൊഡ്യൂസര് : നവീന് പി തോമസ്,ഉണ്ണി രവി, വസ്ത്രാലങ്കാരം : സമീറാ സനീഷ്, മേക്കപ്പ് : റോണക്സ് സേവിയര്, ചീഫ് അസ്സോസിയേറ്റ് : സുഹൈല്.എം, ലിറിക്സ് : വിനായക് ശശികുമാര്, സുഹൈല് കോയ, മുത്തു ,അഡ്മിനിസ്ട്രേഷന്&ഡിസ്ട്രിബൂഷന് ഹെഡ് : ബബിന് ബാബു, പ്രൊഡക്ഷന് ഇന് ചാര്ജ് : അഖില് യെശോധരന്, പ്രൊഡക്ഷന് കണ്ട്രോളര് : ഗിരീഷ് കൊടുങ്ങല്ലൂര്,സൗണ്ട് ഡിസൈന് : വിക്കി, ഫൈനല് മിക്സ് : എം. രാജകൃഷ്ണന്,കാസ്റ്റിംഗ് ഡയറക്ടര്: നവാസ് ഒമര്, സ്റ്റില്സ്: സെറീന് ബാബു, ടൈറ്റില് & പോസ്റ്റേര്സ് : യെല്ലോ ടൂത്ത്സ്, ഡിസ്ട്രിബൂഷന്: മാജിക് ഫ്രെയിംസ് റിലീസ്, മാര്ക്കറ്റിംഗ്: സൗത്ത് ഫ്രെയിംസ് എന്റര്ടൈന്മെന്റ്, ഡിജിറ്റല് പി ആര് : ആഷിഫ് അലി, അഡ്വെര്ടൈസ്മെന്റ് : ബ്രിങ്ഫോര്ത്ത്, പി ആര് ഓ : പ്രതീഷ് ശേഖര്.
Content Highlights: Suraj Venjaramoodu in a new dark humor film `ED`
Published: 02 Dec 2024, 08:47 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented