ശ്രീനാഥ് ഭാസി നായകനായി എത്തുന്ന ചട്ടമ്പി സിനിമ ഇന്ന് റിലീസ് ചെയ്യും. സംസ്ഥാനത്ത് പ്രഖ്യാപിച്ചിട്ടുള്ള ഹര്ത്താല് പരിഗണിച്ച് ആദ്യ ഷോയുടെ സമയത്തില് മാറ്റം വരുത്തി. വൈകിട്ട് ആറുമണിക്ക് ശേഷമാകും ആദ്യ ഷോ നടക്കുകയെന്ന് പിന്നണി പ്രവര്ത്തകര് അറിയിച്ചു.
ആര്ട്ട് ബീറ്റ് സ്റ്റുഡിയോയുടെ ബാനറില് ആസിഫ് യോഗി നിര്മ്മിച്ച ചിത്രം 1990കളിലെ ഇടുക്കിയുടെ പശ്ചാത്തലത്തില് ഒരു ചട്ടമ്പിയുടെ കഥയാണ് പറയുന്നത്. ചെമ്പന് വിനോദ് ജോസ്, ഗുരു സോമസുന്ദരം, ബിനു പപ്പു, ഗ്രേസ് ആന്റണി, മൈഥിലി, ആസിഫ് യോഗി തുടങ്ങിയവര് അഭിനയിക്കുന്നു. ഡോണ് പാലത്തറയുടെ കഥയ്ക്ക് തിരക്കഥ ഒരുക്കിയത് ചിത്രത്തിന്റെ സിനിമാട്ടോഗ്രാഫര് കൂടിയായ അലക്സ് ജോസഫ് ആണ്.
സിറാജ്, സന്ദീപ്, ഷനില്, ജെസ്ന ആഷിം എന്നിവര് സഹ നിര്മ്മാതാക്കള് ആയ ചിത്രത്തിന്റെ എക്സിക്യൂട്ടീവ് പ്രൊഡ്യൂസര് സിറാജ് ആണ്. മാജിക് ഫ്രെയിംസ് ആണ് വിതരണം.
സെബിന് തോമസ് കലാ സംവിധാനവും ശേഖര് മേനോന് സംഗീതവും നിര്വഹിച്ചിരുന്നു. ജോയല് കവിയാണ് എഡിറ്റര്. പ്രൊഡക്ഷന് കണ്ട്രോളര് ജിനു, പിആര്ഒ ആതിര. കണ്ടന്റ് ഫാക്ടറിയാണ് പിആര് സ്ട്രാറ്റജി ആന്ഡ് മാര്ക്കറ്റിങ്.
Content Highlights: chattambi movie releases on Friday evening sreenath Bhasi
Published: 23 Sept 2022, 09:40 am IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented