
നടനും ആന്ധ്രാപ്രദേശ് ഉപമുഖ്യമന്ത്രിയുമായ പവന് കല്യാണിന്റെ ഭാര്യ അന്ന ലെസ്നേവ തിരുപ്പതി ക്ഷേത്രം സന്ദര്ശിച്ച് തലമുണ്ഡനം ചെയ്തു. കഴിഞ്ഞദിവസം സിങ്കപ്പൂരില് സ്കൂളിലുണ്ടായ തീപ്പിടിത്തത്തില് മകന് പൊള്ളലേറ്റിരുന്നു. ആശുപത്രി വിട്ട മകന് സുഖം പ്രാപിച്ചുവരികയാണ്. ഇതിനുള്ള നേര്ച്ചയായാണ് തലമുണ്ഡനം ചെയ്തത്.
ഞായറാഴ്ചയാണ് അന്ന ക്ഷേത്ര ദര്ശനം നടത്തിയത്. ക്ഷേത്രത്തിലെ ചടങ്ങുകളിലും അന്ന പങ്കാളിയായി. റഷ്യന് ഓര്ത്തഡോക്സ് ക്രിസ്ത്യന് വിശ്വാസിയായ അന്ന പ്രത്യേക സത്യാവങ്മൂലത്തില് ഒപ്പുവെച്ച ശേഷമാണ് ക്ഷേത്രത്തില് പ്രവേശിച്ചത്. തലമുണ്ഡനംചെയ്ത അന്ന വെങ്കിടേശ്വരന് ആരതിയുഴിയുന്ന വീഡിയോ പുറത്തുവന്നിട്ടുണ്ട്. തിങ്കളാഴ്ച മകന്റെ പേരില് അന്ന 17 ലക്ഷം രൂപയ്ക്ക് അന്നദാനവഴിപാട് നടത്തിയതിന്റെ ദൃശ്യങ്ങളും പുറത്തുവന്നു.
സ്കൂളിലെ സമ്മര്ക്യാമ്പിനിടെയുണ്ടായ തീപ്പിടിത്തത്തില് പവന് കല്യാണിന്റേയും അന്നയുടേയും മകന്, എട്ടുവയസ്സുകാരനായ മാര്ക് ശങ്കറിന് കൈയ്ക്കും കാലിനും പൊള്ളലേറ്റിരുന്നു. പുകശ്വസിച്ചതിനെത്തുടര്ന്ന് ശ്വാസകോശത്തിലും പ്രശ്നങ്ങളുണ്ടായിരുന്നു. മകന് ബ്രോങ്കോസ്കോപിക്ക് വിധേയനായതായി പവന് കല്യാണ് സ്ഥിരീകരിച്ചിരുന്നു.
തീപ്പിടിത്തത്തില് ഒരു വിദ്യാര്ഥി മരിച്ചിരുന്നു. അപകടവാര്ത്ത അറിഞ്ഞ പവന് കല്യാണ് ഔദ്യോഗിക പരിപാടികള് ഒഴിവാക്കി സിങ്കപുരിലേക്ക് പോയിരുന്നു. സിങ്കപ്പുരിലെ ചികിത്സയ്ക്കുശേഷം കഴിഞ്ഞ ദിവസമാണ് കുടുംബം ഹൈദരാബാദില് തിരിച്ചെത്തിയത്. പവന് കല്യാണിന്റേയും മൂന്നാംഭാര്യ അന്ന ലെസ്നേവയുടേയും ഇളയമകനാണ് മാര്ക് ശങ്കര്. 2017-ലാണ് മാര്ക്കിന്റെ ജനനം. ദമ്പതിമാര്ക്ക് പൊലേന അഞ്ജന പവനോവ എന്ന പെണ്കുട്ടിയുമുണ്ട്.
Content Highlights: Pawan Kalyan's wife Anna offers hair at Tirumala after son survives fire accident
Published: 14 Apr 2025, 03:15 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented