പതിനഞ്ച് വര്‍ഷങ്ങള്‍ക്ക് ശേഷം ഈസ്റ്റ്‌ കോസ്റ്റ് വിജയന്‍ ഒരുക്കിയ വീണ്ടും എന്ന പ്രണയഗാന സമാഹരത്തിലെ വീഡിയോ ഗാനം റിലീസായി. ഈസ്റ്റ്‌ കോസ്റ്റ് വിജയന്‍ രചിച്ച് രഞ്ജിന്‍ രാജ് സംഗീതം പകർന്ന് നടി മോക്ഷ  ആലപിച്ച 'ഒരുപാട് സ്നേഹം ചൊരിഞ്ഞു നീ എപ്പോഴും...' എന്നാരംഭിക്കുന്ന ഗാനമാണ് റിലീസായത്.

To advertise here,

കള്ളനും ഭഗവതിയും എന്ന ചിത്രത്തിൽ നായികയായി മലയാള സിനിമയിൽ അരങ്ങേറിയ ബംഗാളി നടിയായ മോക്ഷ, ആദ്യമായി പാടുന്ന മലയാള ഗാനമാണിത്. ഈസ്റ്റ് കോസ്റ്റ് വിജയൻ തന്നെ സംവിധാനം ചെയ്ത ഈ മ്യൂസിക് ആൽബത്തിന്റെ ദൃശ്യാവിഷ്ക്കാരത്തിൽ വിഷ്ണു, സ്വർണ, ശ്രീയ, ബേബി അമർ ധ്യാൻ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.

നിയാസ്, നൗഷാദ്, ഷിനോജ്, സ്മിര, ലുദിയ, ബിൻസി, ഷാനി, അയന തുടങ്ങിയവരാണ് മറ്റഭിനേതാക്കൾ. ഈസ്റ്റ് കോസ്റ്റ് ഓഡിയോ എന്റർടൈൻമെന്റ്സ് നിർമ്മിക്കുന്ന ഈ  ഗാനത്തിന്റെ ഛായാഗ്രഹണം രതീഷ് റാം നിർവ്വഹിക്കുന്നു.

എഡിറ്റർ -കണ്ണൻ മോഹൻ, കല -രാജീവ് കോവിലകം, മേക്കപ്പ് -ഉഷ മോൾ, അസോസിയേറ്റ് ഡയറക്ടർ -അനൂപ് ശിവസേവൻ, അസീം കോട്ടൂർ, പ്രൊജക്ട് ഡിസൈനർ -സജിത് കൃഷ്ണ, കളറിസ്റ്റ് -ലിജു പ്രഭാകർ, സ്റ്റിൽസ് -റിജോയ് ജോസി, പരസ്യകല -കോളിൻസ് ലിയോഫിൽ, പി ആർ ഒ-എ എസ് ദിനേശ്.