നടപ്പ് സാമ്പത്തിക വർഷം വിവിധ മേഖലകളിലെ ശമ്പള വർധന പരിമിതമാകാൻ സാധ്യതയുണ്ടെന്ന് വിലയിരുത്തൽ. മുൻവർഷത്തെ 6.2 ശതമാനം മുതൽ 11.3 ശതമാനം വരെയുള്ള വർധനവുമായി താരതമ്യം ചെയ്യുമ്പോൾ ഈ വർഷം 8.6 ശതമാനത്തിനും 10.2 ശതമാനത്തിനുമിടയിലാകും വർധന. ഇ.വി, ഫിൻടെക്, ഹെൽത്ത് കെയർ തുടങ്ങിയ മേഖലകളിൽ കാര്യമായ വർധന പ്രതീക്ഷിക്കാമെന്നും ടീംലീസ് സർവീസസ് പുറത്തിറക്കിയ റിപ്പോർട്ടിൽ പറയുന്നു.

To advertise here,

വിവിധ മേഖലകളിലെ വർധന

മേഖലമുൻവർഷത്തെ വർധനഈ വർഷത്തെ പ്രതീക്ഷപ്രവണത
വിദ്യാഭ്യാസ സേവനം6.2%9%മികച്ച മുന്നേറ്റം
ബാങ്കിങ്8.1%8.8%ഡിജിറ്റൽ ബാങ്കിങ്, സൈബർ സെക്യൂരിറ്റി ഡിമാൻഡ് മൂലം വർധന
ബിപിഒ6.7%9%പുരോഗതി
എഞ്ചിനീയറിങ്-9.9%മികച്ച തൊഴിൽ സാധ്യത
ഐടി-9.8%സ്ഥിരതയാർന്ന വളർച്ച
സെയിൽസ് & മാർക്കറ്റിങ്-9.7%ഓർഗനൈസ്ഡ് റീട്ടെയിൽ, ക്വിക്ക് കൊമേഴ്സ് കരുത്തിൽ
കൺസ്യൂമർ ഡ്യൂറബിൾസ്10.7%9%കുറഞ്ഞ വളർച്ചാ നിരക്ക്‌
NBFC10.4%8.9%കുറഞ്ഞ വളർച്ചാ നിരക്ക്‌

വളർച്ച കുറയുന്ന മേഖലകൾ

കൺസ്യൂമർ ഡ്യൂറബിൾസ്: കഴിഞ്ഞ വർഷത്തെ 10.7 ശതമാനത്തിൽ നിന്ന് 9 ശതമാനമായി കുറയും.

ബാങ്ക് ഇതര ധനകാര്യ സ്ഥാപനങ്ങൾ (NBFC): മുൻവർഷത്തെ 10.4 ശതമാനത്തിൽ നിന്ന് 8.9 ശതമാനമായി കുറയും.

മുന്നേറ്റം നടത്തുന്ന മറ്റ് മേഖലകൾ

വിദ്യാഭ്യാസ സേവനം: മുൻവർഷത്തെ 6.2 ശതമാനത്തിൽ നിന്ന് 9 ശതമാനമാകും.

ബാങ്കിങ്: ഡിജിറ്റൽ ബാങ്കിംഗ്, സൈബർ സെക്യൂരിറ്റി എന്നിവയുടെ ഡിമാൻഡ് കാരണം 8.1 ശതമാനത്തിൽ നിന്ന് 8.8 ശതമാനമായി ഉയരും.

ബിപിഒ: 6.7 ശതമാനത്തിൽ നിന്ന് 9 ശതമാനമായി മെച്ചപ്പെടും.

തൊഴിൽ സാധ്യത

എൻജിനിയറിങ്ങ്, ഐടി: എൻജിനിയറിങ് രംഗത്ത് 9.9 ശതമാനവും ഐടി മേഖലയിൽ 9.8 ശതമാനവും വർധന പ്രതീക്ഷിക്കുന്നു.

സെയിൽസ്, മാർക്കറ്റിങ്ങ്: ഓർഗനൈസ്ഡ് റീട്ടെയിൽ, ക്വിക്ക് കൊമേഴ്സ് എന്നിവയുടെ കരുത്തിൽ 9.7 ശതമാനം വർധന ലഭിച്ചേക്കാം.

പ്രത്യേക തസ്തികകൾ

ഇലക്ട്രിക്കൽ എൻജിനിയർമാർ: 11.2% (ഏറ്റവും ഉയർന്ന വർധന).

പ്രോജക്ട് എൻജിനിയർമാർ: 10.7%.

ഐടി സപ്പോർട്ട് എക്‌സിക്യൂട്ടീവുകൾ, സിസ്റ്റം അഡ്മിനിസ്‌ട്രേറ്റർമാർ, ക്വാളിറ്റി അഷ്വറൻസ് എഞ്ചിനീയർമാർ എന്നിവർക്കും മികച്ച വർധന ലഭിക്കും.

ഈ നഗരങ്ങൾ മുന്നിൽ

ശമ്പള വർധനവിന്റെ കാര്യത്തിൽ മെട്രോ നഗരങ്ങൾക്കൊപ്പം തന്നെ വളർന്നുവരുന്ന നഗരങ്ങളും മികച്ച പ്രകടനം കാഴ്ചവെക്കുന്നു.

മുന്നിൽ നിൽക്കുന്ന നഗരങ്ങൾ:

ചെന്നൈ: 9.7 ശതമാനം ശമ്പള വളർച്ചയോടെ ഒന്നാമത്.

പുണെ & ഹൈദരാബാദ്: 9.6 ശതമാനം.

അഹമ്മദാബാദ്: 9.5 ശതമാനം.

വളർന്നുവരുന്ന നഗരങ്ങൾ: വിശാഖപട്ടണം, നാഗ്പൂർ, ജയ്പൂർ തുടങ്ങിയ നഗരങ്ങൾ വ്യാവസായിക വിപുലീകരണവും നിക്ഷേപങ്ങളും വഴി തൊഴിൽ വിപണിയിൽ കരുത്താർജിക്കുന്നു.

പ്രധാന നിരീക്ഷണങ്ങൾ

  • ബിസിനസ്സിനെ നേരിട്ട് സ്വാധീനിക്കുന്ന ഉന്നതതല ചുമതലകളും സാധാരണ സപ്പോർട്ട് ജോലികളും തമ്മിലുള്ള ശമ്പള വ്യത്യാസം കൂടുന്നു.
  • ഐടി, ഫിൻടെക്, ഊർജ മേഖലകളിൽ ശമ്പള വ്യത്യാസം കുറവാണ്. സ്ഥിരമായ ശമ്പള ഘടനയിലേക്ക് ഈ മേഖലകൾ മാറുന്നതിന്റെ സൂചനയാണിത്. എന്നാൽ നിർമാണം, ഇൻഫ്രാസ്ട്രക്ചർ, ഇൻഷുറൻസ് തുടങ്ങിയ മേഖലകളിൽ ശമ്പള വ്യത്യാസങ്ങൾ പ്രകടമായി തുടരുന്നു.
  • ഇന്ത്യയുടെ ശമ്പള വിപണി കൂടുതൽ പ്രകടനാധിഷ്ഠിതമായി മാറുകയാണ്. മെട്രോ നഗരങ്ങൾക്ക് പുറമെ ചെറുകിട നഗരങ്ങളിലും മികച്ച തൊഴിലവസരങ്ങളും വരുമാനവുമുണ്ട്.