പണപ്പെരുപ്പം തുടർച്ചയായി ഉയർന്നുനിൽക്കുന്നത് കമ്പനികളുടെ ആദായക്ഷമതയെ ബാധിക്കും. ഉത്പാദനച്ചെലവ് ഗണ്യമായി ഉയർത്തുകയും ചെയ്യും.

ഉപഭോക്തൃ വില സൂചികയ്ക്ക് പിന്നാലെ മൊത്തവില പണപ്പെരുപ്പത്തിലും കുത്തനെ വർധന. ഒക്ടോബറിലെ മൊത്തവില സൂചിക 12.29 ശതമാനമായി. സെപ്റ്റംബറിൽ 11.39 ശതമാനമായിരുന്നു. ഇന്ധനം, ഊർജം, പ്രാഥമിക ഉത്പന്നങ്ങൾ, നിർമിതവസ്തുക്കൾ എന്നിവയുടെ വിലവർധനയാണ് മൊത്തവില സൂചികയിൽ പ്രതിഫലിച്ചത്. വ്യാവസായിക ആവശ്യങ്ങൾക്കുള്ള അസംസ്കൃതവസ്തുക്കളുടെയും ഊർജത്തിന്റെയും ചെലവ് കൂടിയത് രാജ്യത്തിന്റെ സാമ്പത്തികമേഖലയിൽ കനത്ത സമ്മർദം ചെലുത്തുന്നുണ്ട്.
പണപ്പെരുപ്പം തുടർച്ചയായി ഉയർന്നുനിൽക്കുന്നത് കമ്പനികളുടെ ആദായക്ഷമതയെ ബാധിക്കും. ഉത്പാദനച്ചെലവ് ഗണ്യമായി ഉയർത്തുകയും ചെയ്യും. വരുംമാസങ്ങളിലും പണപ്പെരുപ്പം സമ്പദ്ഘടനയിൽ സമ്മർദം ചെലുത്താനാണ് സാധ്യത.
| മേഖല | ഒക്ടോബർ പണപ്പെരുപ്പം (%) | സെപ്റ്റംബർ പണപ്പെരുപ്പം (%) | |
|---|---|---|---|
| ഇന്ധനവും ഊർജവും | 32.84% | 25.85% | |
| പ്രാഥമിക ഉൽപ്പന്നങ്ങൾ (Primary Articles) | 9.24% | 8.67% | |
| നിർമ്മിത ഉൽപ്പന്നങ്ങൾ (Manufactured Products) | 9.54% | 9.76% |
മിനറൽ ഓയിൽ, ക്രൂഡ്, പ്രകൃതിവാതകം, ഭക്ഷ്യവസ്തുക്കൾ, അടിസ്ഥാനലോഹങ്ങൾ, രാസവസ്തുക്കൾ, തുണിത്തരങ്ങൾ, റബ്ബർ, പ്ലാസ്റ്റിക് ഉത്പന്നങ്ങൾ എന്നിവയുടെ വിലവർധനയാണ് മൊത്തവില സൂചിക ഉയരാൻ കാരണമായതെന്ന് സർക്കാർ ചൂണ്ടിക്കാണിക്കുന്നു. അതേസമയം, ഭക്ഷ്യമേഖലയിലെ പണപ്പെരുപ്പം സെപ്റ്റംബറിലെ 8.66 ശതമാനത്തിൽനിന്ന് ഒക്ടോബറിൽ 8.58 ശതമാനമായി കുറഞ്ഞത് നേരിയ ആശ്വാസം നൽകുന്നുണ്ട്.
Content Highlights: Wholesale price index (WPI) inflation rose to 12.29% in October from 11.39% in September., Surge driven by increased costs in fuel, energy, primary products, and manufactured goods., Continuous inflation puts pressure on corporate profitability and production costs., Food inflation showed a slight decrease from 8.66% in September to 8.58% in October.
Published: 16 Nov 2026, 02:09 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented