മുംബൈ: മൊത്തവിലയെ അടിസ്ഥാനമാക്കിയുള്ള രാജ്യത്തെ പണപ്പെരുപ്പം സെപ്റ്റംബറിൽ 11.39 ശതമാനമായി ഉയർന്നു. 2022 - 23 അടിസ്ഥാന വർഷമായുള്ള പുതിയ സീരീസിൽ ഇതുവരെയുള്ള ഉയർന്ന നിരക്കാണിത്. ഓഗസ്റ്റിൽ 9.92 ശതമാനമായിരുന്നു മൊത്തവില പണപ്പെരുപ്പം.ഭക്ഷ്യവസ്തുക്കൾ, ഇന്ധനം, ഉത്പാദന വസ്തുക്കൾ തുടങ്ങിയവയുടെ വില വർധനയാണ് മൊത്തവില പണപ്പെരുപ്പം ഉയരാൻ കാരണമായതെന്ന് കേന്ദ്ര വാണിജ്യമന്ത്രാലയം വ്യക്തമാക്കി.
ഇന്ധന - ഊർജ മേഖലയിൽ പണപ്പെരുപ്പം ഓഗസ്റ്റിലെ 22.93 ശതമാനത്തിൽനിന്ന് സെപ്റ്റംബറിൽ 25.85 ശതമാനമായി ഉയർന്നു. അസംസ്കൃത എണ്ണ, പ്രകൃതി വാതക വിലക്കയറ്റത്തോത് ഇക്കാലത്ത് 34.41 ശതമാനത്തിൽനിന്ന് 57.32 ശതമാനമായി കൂടി. കൽക്കരി, ലിഗ്‌നൈറ്റ് പണപ്പെരുപ്പം 1.57 ശതമാനത്തിൽനിന്ന് 9.31 ശതമാനമായാണ് കൂടിയത്.