വീണ്ടും പുതിയ ഉയരം കുറിച്ച് സ്വര്ണ വില. പവന്റെ വില ഇതാദ്യമായി 66,720 രൂപയിലെത്തി. ഗ്രാമിനാകട്ടെ 8,340 രൂപയുമായി. 65,880 രൂപയായിരുന്നു കഴിഞ്ഞ ദിസവം പവന്റെ വില. ഒരു ദിവസത്തിനിടെ 840 രൂപയാണ് വര്ധിച്ചത്.
മാര്ച്ച് 18നാണ് സ്വര്ണ വില ആദ്യമായി 66,000 രൂപയിലെത്തിയത്. മൂന്ന് ദിവസത്തിനുള്ളില് 66,480 രൂപവരെ ഉയര്ന്നെങ്കിലും പിന്നീട് താഴുകയായിരുന്നു.
ആഗോള വിപണിയില് ഒരു ട്രോയ് ഔണ്സിന് 3,057.12 ഡോളര് നിലവാരത്തിലായിരുന്നു വ്യാപാരം നടന്നത്. രാജ്യത്തെ കമ്മോഡിറ്റി വിപണിയായ എംസിഎക്സില് പത്ത് ഗ്രാം 24 കാരറ്റ് സ്വര്ണത്തിന്റെ വില 88,445 രൂപയിലെത്തി. വെള്ളിയുടെ വിലയിലും സമാനമായ വര്ധനവുണ്ടായി.
ട്രംപിന്റെ താരിഫ് യുദ്ധം സംബന്ധിച്ച ആശങ്കകളാണ് സ്വര്ണത്തിന്റെ കുതിപ്പിന് പിന്നില്. വാഹന ഇറക്കുമതിക്ക് പുതിയ താരിഫ് ഏര്പ്പെടുത്തിയതാണ് പെട്ടെന്നുള്ള കുതിപ്പിന് പിന്നില്. ഏപ്രില് രണ്ടിലെ പ്രഖ്യാനപനത്തിന് കാത്തിരിക്കുകയാണ് നിക്ഷേപലോകം.
Content Highlights: Gold prices reach a new high today, with 1 sovereign costing ₹66,720 and 1 gram at ₹8,340.
Published: 28 Mar 2025, 10:49 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented