തൃശൂർ:അയനം സാംസ്‌കാരിക വേദിയുടെ പതിനേഴാമത് അയനം - സി.വി. ശ്രീരാമൻ കഥാപുരസ്‌കാരത്തിന് ഡി.സി. ബുക്‌സ് പ്രസിദ്ധീകരിച്ച സി.വി.ബാലകൃഷ്ണന്റെ 'സ്വേച്ഛ' എന്ന കഥാസമാഹാരം അർഹമായി. 11111 രൂപയും പ്രശസ്തിപത്രവും ഫലകവും അടങ്ങുന്നതാണ് പുരസ്‌കാരം. ഡോ.എൻ.ആർ. ഗ്രാമപ്രകാശ് ചെയർമാനും ഡോ. സ്വപ്ന സി.കോമ്പാത്ത്, ടി.ജി.അജിത എന്നിവർ അംഗങ്ങളുമായ ജൂറിയാണ് പുരസ്‌കാരത്തിന് അർഹമായ കൃതി തെരഞ്ഞെടുത്തത്.

To advertise here,

ഇരുണ്ട തുരങ്കത്തിലൂടെ കടന്നുപോവുന്ന ജനസമൂഹങ്ങളുടെ മുൻപാകെ,ജനാധിപത്യ വ്യവസ്ഥയെ സംജാതമാക്കുന്ന ലോകത്തിന്റെ നേരിയ പ്രകാശരേഖകൾ എവിടെയോ വെളിപ്പെടുമെന്ന പ്രതീക്ഷയാണ് ഈ കഥകൾ നൽകുന്നത്. അധികാരവും ഹിംസയും വേട്ടയാടുന്ന മനുഷ്യരെ ശുഭമായ, ഭാവിയുടെ വെളിച്ചത്തിലേക്ക് ആനയിക്കുന്ന കഥാലോകമാണ് സി.വി.ബാലകൃഷ്ണന്റേതെന്ന് ജൂറി അഭിപ്രായപ്പെട്ടു.
 

നവംബർ 30 ന് വൈകീട്ട് അഞ്ച് മണിക്ക് സാഹിത്യ അക്കാദമിയിൽ നടക്കുന്ന ചടങ്ങിൽ പുരസ്‌കാരം സമ്മാനിക്കുമെന്ന് അയനം ചെയർമാൻ വിജേഷ് എടക്കുന്നി, കൺവീനർ പി.വി ഉണ്ണികൃഷ്ണൻ എന്നിവർ അറിയിച്ചു.