തൃശ്ശൂര്: കേരള സാഹിത്യ അക്കാദമി ലൈബ്രറിയുടെ പൂമുഖത്തെ ചുവരില് എന്.വി. ആഴത്തിലുള്ള ചിന്തയിലാണ്. തൊട്ടടുത്ത് എഴുത്തില് വ്യാപൃതനായ എന്.വി, അതിനുമപ്പുറത്ത് വായനയുടെ ഗൗരവത്തില്.
മലയാളത്തിന്റെ മഹാപണ്ഡിതനും മാതൃഭൂമി മുന്പത്രാധിപരുമായിരുന്ന എന്.വി. കൃഷ്ണവാരിയര്ക്ക് സ്ഥിരം ചിത്രഗാലറി സജ്ജമാക്കി ആദരമൊരുക്കിയിരിക്കുകയാണ് അക്കാദമി.
വിനയ്ലാല് വരച്ച 11 ചിത്രങ്ങളാണ് ഗാലറിയില് പ്രദര്ശിപ്പിച്ചിരിക്കുന്നത്. അക്കാദമി പ്രസിദ്ധീകരിച്ച 11 വാല്യങ്ങളുള്ള എന്.വി.യുടെ പുസ്തകപരമ്പരയുടെ കവറിനായി വരച്ച ചിത്രങ്ങളാണിവ. ചിത്രങ്ങള്ക്ക് താഴെ പുസ്തകപരമ്പരയുടെ 11 വാല്യങ്ങളും പ്രദര്ശിപ്പിച്ചിട്ടുണ്ട്.
'പുസ്തകങ്ങളില് സഞ്ചിതമത്രേ
മര്ത്യവിജ്ഞാന സാരസര്വസ്വം'
എന്ന ഈരടികളും ചിത്രങ്ങള്ക്കൊപ്പമുണ്ട്. പരിപ്രേക്ഷ്യം, ഗവേഷണപ്രബന്ധങ്ങള്, സ്മാരകപ്രഭാഷണങ്ങള്, യാത്രാവിവരണങ്ങള്, വെല്ലുവിളികള് പ്രതികരണങ്ങള്, പ്രശ്നങ്ങള് പഠനങ്ങള്, സമസ്യകള് സമാധാനങ്ങള്, അന്വേഷണങ്ങള് കണ്ടെത്തലുകള്, മനനങ്ങള് നിഗമനങ്ങള്, വിചിന്തനങ്ങള് വിശദീകരണങ്ങള്, വീക്ഷണങ്ങള് വിമര്ശനങ്ങള് എന്നിങ്ങനെ വേര്തിരിച്ചവയാണ് പുസ്തകങ്ങള്.
Content Highlights :art gallery for n v krishna warrier in kerala sahithya academy
Published: 18 Feb 2022, 02:49 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented