ഫാഷനില്‍ പല പരീക്ഷണങ്ങളും നടക്കാറുണ്ട്. നമ്മുടെ സങ്കല്‍പങ്ങള്‍ക്ക് അപ്പുറമുള്ള ഔട്ട്ഫിറ്റുകളും ഡിസൈനര്‍മാര്‍ ഒരുക്കിയെടുക്കാറഉണ്ട്. അതുപോലൊരു വസ്ത്രമാണ് ഇപ്പോള്‍ ചര്‍ച്ചാവിഷയം. പൂര്‍ണമായും സ്വര്‍ണത്തില്‍ നിര്‍മിച്ച ഈ വസ്ത്രത്തിന്റെ വില 1,088,000 ഡോളറാണ്. അതായത് ഏകദേശം ഒമ്പതരക്കോടി ഇന്ത്യന്‍ രൂപ.
ലോകത്തെ ഏറ്റവും വിലപിടിപ്പുള്ള വസ്ത്രമായി ഇത് ഗിന്നസ് ബുക്ക് ഓഫ് വേള്‍ഡ് റെക്കോര്‍ഡ്‌സില്‍ ഇടം നേടുകയും ചെയ്തു. ഇതിന് 10 കിലോയില്‍ കൂടുതല്‍ ഭാരമുണ്ട്. ഈ വസ്ത്രം 1270.5 ഗ്രാം 21 കാരറ്റ് കൊണ്ടാണ് നിര്‍മിച്ചതെന്ന് ഗിന്നസ് വേള്‍ഡ് റെക്കോര്‍ഡ്‌സില്‍ പറയുന്നു. ഒരു സ്വര്‍ണക്കിരീടവും സ്വര്‍ണക്കമ്മലും സ്വര്‍ണ വളയും ഉള്‍പ്പെടുമ്പോഴാണ് ഈ ഔട്ട്ഫിറ്റ് പൂര്‍ണമാവുക.
അല്‍ റൊമൈസാന്‍ ഗോള്‍ഡ് & ജ്വല്ലറിയാണ് ഈ സ്വര്‍ണവസ്ത്രം പുറത്തിറക്കിയത്. ഈ ഔട്ട്ഫിറ്റ് യുഎഇയുടെ പൈതൃകത്തെ ആഘോഷിക്കുന്നതോടൊപ്പം ആധുനിക കരകൗശല വൈദഗ്ദ്ധ്യത്തെ ഉള്‍ക്കൊള്ളുകയും ചെയ്യുന്നു. ഇതിനോടൊപ്പമുള്ള കിരീടം സാംസ്‌കാരിക അഭിമാനത്തിന്റെ പ്രതീകമാണ്. കൈത്തണ്ടയിലും മുന്‍കൈയിലുമായി നീണ്ടുകിടക്കുന്ന സ്വര്‍ണ്ണവള പരമ്പരാഗത ആഭരണ നിര്‍മ്മാണ കലയ്ക്കുള്ള ആദരമാണ്.
Content Highlights: worlds most valuable gold dress sets dazzling record in guinness book
Published: 12 Oct 2025, 01:47 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented