മണിമല : പുനലൂർ-മൂവാറ്റുപുഴ സംസ്ഥാനപാതയിൽ മണിമല സെൻട്രൽ ജങ്ഷനിൽ ദിശാസൂചികയില്ലാത്തത് വാഹനയാത്രക്കാരെ വലയ്ക്കുക്കുന്നു. സംസ്ഥാന പാതയിൽനിന്ന് ഇടത്തോട്ട് മണിമല പാലം വഴി എരുമേലി, റാന്നി ഭാഗത്തേക്ക് പോകേണ്ട തീർഥാടക വാഹനങ്ങളും മറ്റ് വാഹനങ്ങളുമാണ് വഴിതെറ്റുന്നത്.
കോട്ടയത്തുനിന്നും കൊടുങ്ങൂർ-മണിമല റോഡിലൂടെ എത്തുന്ന അന്യ സംസ്ഥാന തീർഥാടക വാഹനങ്ങൾ സെൻട്രൽ ജങ്ഷനിൽനിന്ന് നേരെ ചങ്ങനാശ്ശേരി റോഡിലൂടെ കിലോമീറ്ററുകൾ ഓടിയശേഷമാണ് വഴിതെറ്റിയതായി മനസ്സിലാക്കുന്നത്.
മണിമലയിലെ വ്യാപാരികൾ സ്ഥാപിച്ച ഒരു ചെറിയ ബോർഡ് വാഹനയാത്രക്കാരുടെ ശ്രദ്ധയിൽപ്പെടില്ല. സംസ്ഥാനപാതയുടെ നിർമാണം നടക്കുന്നതിനുമുൻപ് മണിമല കവലയിലുണ്ടായിരുന്ന റൗണ്ടാനയിൽ ദിശാബോർഡുകൾ സ്ഥാപിച്ചിരുന്നു. സംസ്ഥാനപാതയുടെ നിർമാണവേളയിൽ റൗണ്ടാന ഇല്ലാതായി. എന്നാൽ അന്യ സംസ്ഥാന വാഹനയാത്രക്കാർക്ക് തിരിച്ചറിയാൻ കഴിയുന്ന തരത്തിൽ ദിശാബോർഡ് സ്ഥാപിക്കാൻ കെ.എസ്.ടി.പി. നടപടി സ്വീകരിച്ചിട്ടില്ല.
Published: 21 Nov 2026, 02:13 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented