വൈക്കം : തരിശായി കിടക്കുന്ന വൈക്കം നാറാണത്ത് പാടശേഖരത്ത് ഈ വർഷം കൃഷിയിറക്കും. നഗരസഭയിലെ ഒൻപതാം വാർഡിലുള്ള 38 ഏക്കർ വരുന്ന നാറാണത്ത് ബ്ലോക്ക് പാടശേഖരം എട്ടുവർഷത്തോളമായി തരിശായി കിടക്കുകയാണ്. കഴിഞ്ഞ 15 വർഷത്തിനിടെ രണ്ടുതവണ മാത്രമാണ് ഇവിടെ കൃഷിയിറക്കിയത്.

To advertise here,

പാടശേഖരത്തിന് സുരക്ഷിതമായ പുറംബണ്ടുമുണ്ട്. പാടശേഖരത്തിനരികിലൂടെ ജലസമൃദ്ധമായ അരിവാൾ തോടും ഒഴുകുന്നുണ്ട്. 30 എച്ച്.പി.യുടെ മോട്ടോറും മോട്ടോർ പുരയുമുണ്ട്. കൃഷി മുടങ്ങിയതോടെ പ്രദേശത്തെ വീടുകളിൽ മഴക്കാലത്ത് വെള്ളം കയറുന്നത് പതിവാണെന്ന് സമീപവാസിയായ മാടത്തുതറയിൽ ദിലീപ് പറഞ്ഞു.

മികച്ച വിളവാണ് മുൻകാലങ്ങളിൽ ലഭിച്ചിരുന്നതെന്ന് വർഷങ്ങളായി പാടത്തെ മോട്ടോർ പമ്പ് ഓപ്പറേറ്ററായ സമീപവാസി ചിറപ്പുറത്ത് സി.കെ. ഗോപാലകൃഷ്ണൻ പറഞ്ഞു.

നാറാണത്ത് ബ്ലോക്കിൽ അടിസ്ഥാനസൗകര്യങ്ങൾ വിപുലപ്പെടുത്തണം. പെട്ടിയും പറയും സ്ഥാപിക്കണം. മോട്ടോർപുര ഉയർത്തി നിർമിക്കണം. ശുദ്ധജലം ലഭ്യമാകുന്ന ഇവിടെ അധികൃതർ കൃത്യമായി ഇടപെട്ടാൽ വർഷത്തിൽ രണ്ടുതവണ കൃഷിയിറക്കാനാകുമെന്നും കർഷകനായ ഗോപാലകൃഷ്ണൻ പറയുന്നു.

​