കുന്നിൻ മുകളിലെ മരമേത്?
കൊന്നപ്പൂമരമാണല്ലോ.
കൊന്നപ്പൂവിൻ നിറമേത്?
പൊന്നതു തോൽക്കും മഞ്ഞനിറം
മുറ്റത്തുള്ളൊരു മരമേത്?
മാങ്കുല തിങ്ങിയ മാവല്ലോ.
മാമ്പഴമെങ്ങനെ ചൊല്ലാമോ?
കിളിയുടെ ചുണ്ടു കണക്കല്ലോ.
തൊടിയിൽ നിൽക്കും മരമേത്?
തടിയേറീടും പ്ലാവല്ലോ
തടിയിൽ തൂങ്ങും ഫലമേത്?
തേൻ ചുളയുള്ള പഴച്ചക്ക
പള്ളത്തുള്ളൊരു ചെടിയേത്?
വെള്ളരിവള്ളികളാണല്ലോ
കണിവെള്ളരിയുടെ നിറമേത്?
കണ്ണഞ്ചിക്കും കനക നിറം
പാടനെത്തിയ കിളിയേത്?
നാടിന്നരുമ വിഷുപ്പക്ഷി
വിഷുക്കിളി മൂളും പാട്ടേത്?
ചൊല്ലാം, വിത്തും കൈക്കോട്ടും
Content Highlights: Educational poetry highlighting native trees like Cassia, Mango, and Jackfruit., Introduction to seasonal birds and agricultural symbols for children
Published: 18 Apr 2026, 04:20 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented