പ്രായമേറുമ്പോള്‍ പലര്‍ക്കും പല്ലിലെ കേടുകള്‍ കൂടും.ചിലര്‍ക്ക് പല്ലുകളുടെ എണ്ണം കുറയും. ചിലരെങ്കിലും വെപ്പുപല്ലിനെ ആശ്രയിക്കും. കഷ്ടപ്പെട്ട് ഭക്ഷണംകഴിക്കുന്നതിനിടെ പലപ്പോഴും പല്ലുകള്‍ക്കിടയില്‍ തങ്ങിനില്‍ക്കുന്ന ഭക്ഷണാവശിഷ്ടങ്ങള്‍ ബുദ്ധിമുട്ട് സൃഷ്ടിക്കാറുണ്ട്. ഈ ഭക്ഷണാവശിഷ്ടങ്ങള്‍ ശരിയായി നീക്കം ചെയ്യുന്നവര്‍ നന്നേ കുറവാണ്. സേഫ്റ്റിപിന്‍,തീപ്പെട്ടിക്കൊള്ളി, ടൂത്ത് പിക്ക് തുടങ്ങിയവയാണ് പലരുടെയും ഇതിനുള്ള ഉപാധി. പലര്‍ക്കും ഇതിന്റെ ദോഷവശങ്ങള്‍ അറിയില്ലെന്നതാണ് വാസ്തവം. വളരെമൃദുവായ ഇന്റര്‍ഡെന്റല്‍ പാപ്പില്ല എന്ന പല്ലുകള്‍ക്കിടയിലെ മോണയുടെ ഭാഗത്തിന് ഇത് കൂടുതല്‍ ക്ഷതമേല്‍പ്പിക്കും.
പ്രശ്നങ്ങള്‍
*മോണയില്‍നിന്ന് രക്തസ്രാവം
*അസഹ്യമായ വേദന
*വായ്നാറ്റം
*മോണയില്‍ നീര്‍വീക്കം
*പഴുപ്പുവരുക
തടയാന്‍
* രണ്ടുനേരം ശരിയായരീതിയില്‍ ബ്രഷിങ്: മേല്‍ത്താടിയില്‍ മുകളില്‍നിന്നും താഴേക്ക് ഒരു കോണ്‍കൊടുത്തു കൊണ്ട് മൂന്നുപല്ലുകള്‍ വീതം ചെയ്ത് പൂര്‍ത്തീകരിക്കുക, കീഴ്ത്താടിയില്‍ ഇതേരീതിയില്‍ താഴെനിന്ന് മുകളിലേക്ക് ബ്രഷ് ചെയ്യുക. മീഡിയം ഫ്‌ലെക്‌സിബിള്‍ പിടിയുള്ള ടൂത്ത് ബ്രഷും ക്രീം രൂപത്തിലുള്ള പേസ്റ്റും ഉപയോഗിക്കണം.
*ഡെന്റല്‍ഫ്‌ലോസ് എന്ന പ്രത്യേകതരം നൂലുകള്‍ ഉപയോഗിച്ച് വൃത്തിയാക്കാം.
*വെള്ളമുപയോഗിച്ച് വൃത്തിയാക്കുന്ന ജല ഫ്‌ലോസര്‍ ഉപകരണം ഉപയോഗിക്കാം. ഇത് മൂന്നുതരം വേഗത്തില്‍ ഉപയോഗിക്കാന്‍ കഴിയും. മൊബൈല്‍ ഫോണ്‍പോലെ ചാര്‍ജ് ചെയ്ത് ഇത് ഉപയോഗിക്കാം.
*ശാസ്ത്രീയമായി അടച്ചെടുക്കുന്ന ബയോക്ലിയര്‍ ഫില്ലിങ്ങുകള്‍ ഉപയോഗിക്കാം.
*മോണരോഗവിദഗ്ധനെ കണ്ട് ആറുമാസത്തിലൊരി ക്കല്‍ പരിശോധിക്കാം.
(തിരുവനന്തപുരം ഗവ. അര്‍ബന്‍ ഡെന്റല്‍ ക്ലിനിക്കിലെ കണ്‍സള്‍ട്ടന്റ് പെരിഡോണ്‍ടിസ്റ്റാണ് ലേഖകന്‍)
Content Highlights: brushing,flossing,teeth,dental health,food
Published: 19 Feb 2024, 11:31 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented