വിത്തുകളിൽ വ്യാപകമായി നമ്മുടെ ഡയറ്റിൽ സ്ഥാനം പിടിച്ച ഒന്നാണ് ചിയ വിത്തുകൾ. നിരവധി പോഷകഗുണങ്ങളുള്ള ഒന്നാണിത്. മെക്‌സിക്കോയിലും തെക്കേ അമേരിക്കയിലും കൂടുതലായി കാണപ്പെടുന്ന സാൽവിയ ഹിസ്പാനിക്ക എന്ന ചെടിയുടേതാണ് ഈ കുഞ്ഞൻ വിത്തുകൾ. 

To advertise here,

ഇപ്പോഴിതാ, ചിയ വിത്തുകൾ യോ​ഗർട്ടുമായി ചേർത്ത് കഴിക്കുന്നതിന്റെ ആരോഗ്യഗുണങ്ങളെക്കുറിച്ച് സംസാരിക്കുകയാണ് ഡോ. കരൺ രാജൻ. ചിയ വിത്തുകൾ തൈരിൽ ചേർക്കുന്നത് വളരെ നല്ലതാണ്. എന്തുകൊണ്ടാണ് ഇങ്ങനെ പറയുന്നതെന്നും ഇൻസ്റ്റ​ഗ്രാമിൽ പങ്കുവെച്ച വീഡിയോയിൽ അദ്ദേഹം പറയുന്നു. 

യോ​ഗർട്ടിലെ പ്രോട്ടീൻ, കൊഴുപ്പ്, നല്ല ബാക്ടീരിയകൾ എന്നിവ ചിയയിലെ ഫൈബർ സാവധാനത്തിൽ പുറത്തുവിടാൻ സഹായിക്കുന്നു. ഇത് കുടലിന് കൂടുതൽ ഒമേഗ-3 യുടെ ആഗിരണം മെച്ചപ്പെടുത്തുന്നുവെന്നും ഡോക്ടർ പറയുന്നു. അതേസമയം, എങ്ങനെ കഴിച്ചാലും ചിയ വിത്തുകൾ ആരോഗ്യത്തിന് നല്ലതാണെന്ന് ചൂണ്ടിക്കാട്ടിയാണ് അദ്ദേഹം വീഡിയോ അവസാനിപ്പിക്കുന്നത്. 

ഫൈബറും കാത്സ്യവും സിങ്കും അയേണും മറ്റ് ആന്റി ഓക്‌സിഡന്റുകളും ധാരാളമടങ്ങിയ ചിയ വിത്തുകൾ ശരീരത്തിന് ​ഗുണംചെയ്യുമെന്ന് നേരത്തെ വ്യക്തമായ കാര്യമാണ്. രാവിലെ ഇത് കഴിക്കുന്നത് ആ ദിവസത്തെ മുഴുവൻ ഊർജം പ്രദാനം ചെയ്യാൻ സഹായിക്കും. പ്രോട്ടീൻ, കാർബോഹൈഡ്രേറ്റ്‌സ്, ആരോഗ്യകരമായ കൊഴുപ്പ്, നാരുകൾ എന്നിവ ഇതിലുണ്ട്. ഒമേഗ 3 ഫാറ്റി ആസിഡുകളുടെ മികച്ച സ്രോതസാണ് ചിയ വിത്തുകൾ.