വാഷിങ്ടൺ: യു.എസ്. പ്രസിഡന്റ് തിരഞ്ഞെടുപ്പിൽ ജോ ബൈഡൻ വോട്ടുചെയ്തിരിക്കുക കമലാ ഹാരിസിനല്ല ഡൊണാൾഡ് ട്രംപിനാണെന്ന് വാദിച്ച് സാമൂഹികമാധ്യമ ഉപയോക്താക്കൾ.
തിരഞ്ഞെടുപ്പ് ഫലം പുറത്തുവന്നശേഷം രാഷ്ട്രത്തെ അഭിസംബോധനചെയ്ത് സംസാരിക്കവേ ബൈഡൻ അത്യധികം സന്തുഷ്ടനായി കാണപ്പെട്ടുവെന്ന് നെറ്റിസൺസ് പറയുന്നു. ഇത്രനിറഞ്ഞ ചിരിയോടെ ബൈഡനെ മുൻപ് കണ്ടിട്ടില്ലത്രേ. ഈ പ്രഭാതത്തിൽ തന്നെക്കാൾ ഏറെ സന്തോഷിക്കുന്ന ഏകവ്യക്തി ജോ ബൈഡനാണെന്ന് ട്രംപിന്റെ മകൻ ഡൊണാൾഡ് ട്രംപ് ജൂനിയറും എക്സിൽ കുറിച്ചു. തന്റെ പ്രസംഗത്തിൽ ട്രംപിനെ അഭിനന്ദിച്ച ബൈഡൻ ജനുവരിയിൽ സമാധാനപരമായ അധികാരക്കൈമാറ്റം ഉറപ്പുനൽകിയിരുന്നു.
തുടക്കത്തിൽ ബൈഡനായിരുന്നു ഡെമോക്രാറ്റിക് പാർട്ടിയുടെ പ്രസിഡന്റ് സ്ഥാനാർഥി. ജൂലായിലാണ് അപ്രതീക്ഷിതമായി ബൈഡന് സ്ഥാനാർഥിത്വത്തിൽനിന്ന് പിന്മാറേണ്ടിവന്നതും പകരക്കാരിയായി കമല എത്തിയതും. ഉൾപാർട്ടി തിരഞ്ഞെടുപ്പിലൂടെ സ്ഥാനാർഥിയാകാൻ വേണ്ട പ്രതിനിധികളെ നേടുകയും പ്രചാരണം പാതിവഴിയിലെത്തുകയും ചെയ്തശേഷമായിരുന്നു അത്. ട്രംപുമായി ഏറ്റുമുട്ടിയ ടെലിവിഷൻസംവാദത്തിലെ മോശംപ്രകടനവും പ്രായാധിക്യത്തെക്കുറിച്ചുള്ള ആശങ്കകളും ശക്തമായതോടെ സമ്മർദങ്ങൾക്കുവഴങ്ങിയാണ് ബൈഡൻ മത്സരത്തിൽനിന്നൊഴിഞ്ഞത്.
Content Highlights: 'He Voted For Trump': Internet Says Biden Looked Happiest During Speech After Harris Loss
Published: 09 Nov 2024, 07:26 am IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented