ചണ്ഡീഗഢ്: വിഘടനവാദി അമൃത്പാല്‍ സിങ് ലോക്‌സഭാ തിരഞ്ഞെടുപ്പില്‍ മത്സരിക്കാനൊരുങ്ങുന്നതായി റിപ്പോര്‍ട്ട്. ദേശീയസുരക്ഷാ നിയമപ്രകാരം നിലവില്‍ അസമിലെ ജയിലിലാണ് ഇയാളുള്ളത്.
പഞ്ചാബിലെ ഖദൂര്‍ സാഹിബ് മണ്ഡലത്തില്‍നിന്ന് സ്വതന്ത്രസ്ഥാനാര്‍ഥിയായാണ് അമൃത്പാല്‍ മത്സരിക്കുകയെന്ന് അമൃത്പാലിന്റെ അഭിഭാഷകന്‍ രാജ്‌ദേവ് സിങ് ഖല്‍സ അറിയിച്ചു.
ദിബ്രുഗഢ് സെന്‍ട്രല്‍ ജയിലില്‍ കഴിയുന്ന അമൃത്പാലുമായി താന്‍ ബുധനാഴ്ച കൂടിക്കാഴ്ച നടത്തിയെന്നും ലോക്‌സഭാ തിരഞ്ഞെടുപ്പില്‍ മത്സരിക്കാന്‍ അഭ്യര്‍ഥിച്ചുവെന്നും അഭിഭാഷകന്‍ ഖല്‍സ പറഞ്ഞു. അമൃത്പാല്‍ തന്റെ അഭ്യര്‍ഥന അംഗീകരിച്ചതായും അദ്ദേഹം കൂട്ടിച്ചേര്‍ത്തു.
വാരിസ് പഞ്ചാവ് ദേ സംഘടയുടെ അധ്യക്ഷനായ അമൃത്പാല്‍ കഴിഞ്ഞ ഏപ്രില്‍മാസത്തിലാണ് ദേശസുരക്ഷാനിയമപ്രകാരമുള്ള കുറ്റങ്ങള്‍ ചുമത്തപ്പെട്ട് അറസ്റ്റിലായത്. ഒന്‍പത് അനുയായികളും അമൃത്പാലിനൊപ്പം ജയിലിലായിട്ടുണ്ട്.
അതേസമയം അമൃത്പാലുമായി കൂടിക്കാഴ്ച നടത്തിയ ശേഷമേ വിഷയത്തില്‍ പ്രതികരിക്കുകയുള്ളൂവെന്ന് പിതാവ് തര്‍സേം സിങ് പ്രതികരിച്ചു. അമൃത്പാല്‍ മുന്‍കാലത്ത് രാഷ്ട്രീയത്തില്‍ താല്‍പര്യം കാണിച്ചിരുന്നില്ലെന്നും അദ്ദേഹം കൂട്ടിച്ചേര്‍ത്തു.
Content Highlights: separatist amritpal singh will contest in loksabha election from punjab claims counsel
Published: 25 Apr 2024, 09:20 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented