ന്യൂഡല്‍ഹി: ഹിമാചല്‍ പ്രദേശിലെ മാണ്ഡ്യയില്‍ പുതിയ തന്ത്രവുമായി കോണ്‍ഗ്രസ്. നടി കങ്കണ റണൗട്ടിനെതിരെ സംസ്ഥാന പൊതുമരാമത്ത് വകുപ്പ് മന്ത്രി വിക്രമാദിത്യ സിങ്ങിനെ രംഗത്തിറക്കിയേക്കും. പിസിസി അധ്യക്ഷയും സിറ്റിങ് എംപിയുമായ പ്രതിഭ സിങ്ങിന്റെയും ഹിമാചല്‍ മുന്‍ മുഖ്യമന്ത്രി വീരഭദ്ര സിങ്ങിന്റെയും മകനാണ് വിക്രമാദിത്യ സിങ്.
വിക്രമാദിത്യസിങ്ങും പ്രതിഭാ സിങ്ങും ഡല്‍ഹിയിലെത്തി സോണിയാ ഗാന്ധിയുമായി കൂടിക്കാഴ്ച നടത്തി. കോണ്‍ഗ്രസ് നേതൃത്വം വിളിപ്പിച്ചതിനുസരിച്ചാണ് ഇരുവരും ഡല്‍ഹിയിലെത്തിയതെന്നാണ് വിവരം.
താന്‍ മത്സരത്തിനില്ലെന്ന് സിറ്റിങ് എംപിയായ പ്രതിഭാ സിങ് നേരത്തെ കേന്ദ്രനേതൃത്വത്തെ അറിയിച്ചിരുന്നു. കഴിഞ്ഞ ദിവസം ചേര്‍ന്ന കോണ്‍ഗ്രസ് സെന്‍ട്രല്‍ തിരഞ്ഞെടുപ്പ് സമിതിയില്‍ ഹിമാചലിലെ സീറ്റുകളും ചര്‍ച്ചയായിരുന്നു. നടി കങ്കണയ്‌ക്കെതിരെ മത്സരിക്കാന്‍ ഏറ്റവും അനുയോജ്യമായ സ്ഥാനാര്‍ഥി വിക്രമാദിത്യന്‍ ആണെന്നായിരുന്നു കോണ്‍ഗ്രസിന്റെ ആഭ്യന്തര സര്‍വേ ഫലം.
Content Highlights: Vikramaditya Singh may contest against kangana ranaut-Mandi Constituency Himachal
Published: 07 Apr 2024, 02:42 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented