മഞ്ചേരി: തനിക്കുവേണ്ടി കൂടെ നടന്നു വോട്ടുചോദിച്ച സുഹൃത്തിന് കിണറ്റിലിറങ്ങി നന്ദിപറയുന്ന സ്ഥാനാര്‍ഥിയുടെ വീഡിയോ വൈറലായി. പുല്‍പ്പറ്റ പഞ്ചായത്തിലെ നാലാംവാര്‍ഡ് മുത്തനൂര്‍ പൂച്ചേങ്ങലില്‍നിന്ന് മത്സരിച്ച് 163 വോട്ടിനു ജയിച്ച മുസ്ലിംലീഗിലെ എ.ടി. ഉസ്മാനാണ് നന്ദിപ്രകടിപ്പിക്കാന്‍ കിണറ്റിലിറങ്ങിയത്.
ഫലപ്രഖ്യാപനത്തിനുശേഷം വോട്ടര്‍മാരെ കാണാന്‍ വാര്‍ഡിലെത്തിയ ഉസ്മാന്‍ തനിക്കുവേണ്ടി വീടുകള്‍ കയറിയിറങ്ങിയ ഷിഹാബിനെ അന്വേഷിച്ചു. പതിവുപോലെ ഷിഹാബും സഹായിയും കിണര്‍പണിയെടുക്കുന്നുണ്ടെന്നറിഞ്ഞ ഉസ്മാന്‍ കിണറിനടുത്തെത്തി. എട്ടുകോല്‍ താഴ്ചയിലുള്ള കിണറ്റില്‍ കയറിലൂടെ പിടിച്ചിറങ്ങി ജോലിയിലേര്‍പ്പെട്ടിരുന്ന ഷിഹാബിനെ ആലിംഗനംചെയ്തു. കയറില്‍ തൂങ്ങി തിരിച്ചുംകയറി. തുടര്‍ന്ന് വാര്‍ഡിലെ വോട്ടര്‍മാരെ അഭിവാദ്യംചെയ്യാനായി പോയി.
Content Highlights: A heartwarming video shows a winning candidate descending into a well to thank a loyal supporter who campaigned for him. See the touching moment!
Published: 15 Dec 2025, 11:59 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented