കോഴിക്കോട്: കോര്‍പ്പറേഷനില്‍ നിലവിലെ ഡെപ്യൂട്ടി മേയറും ഇത്തവണത്തെ സി.പി.എമ്മിന്റെ മേയര്‍ സ്ഥാനാര്‍ഥിയുമായ സി.പി.മുസാഫര്‍ അഹമ്മദിന് ഞെട്ടുന്ന തോൽവി. കോര്‍പ്പറേഷന്‍ 39-ാം വാർഡായ മീഞ്ചന്തയില്‍ നിന്നായിരുന്നു മുസാഫിർ ജനവിധി തേടിയത്. യുഡിഎഫ് സ്ഥാനാര്‍ഥി എസ്‌കെ അബൂബക്കറാണ് വിജയിച്ചത്. നിലവിൽ വലിയങ്ങാടിയിൽ നിന്നുള്ള കൗണ്‍സിലറാണ്.
മുസാഫിർ മത്സരിക്കുന്നത് കൊണ്ടുതന്നെ മീഞ്ചന്തയിലേത് എല്‍ഡിഎഫിന്റെ അഭിമാനപോരാട്ടവുമായിരുന്നു.
നേരത്തെ ബിജെപിയുടെ സിറ്റിങ് വാർഡായിരുന്നു. എന്നാൽ, ഇക്കുറി വാർഡ് പൂർണമായി പുനർനിർണയിക്കപ്പെട്ടു. 2010-ല്‍ മുസാഫര്‍ ആദ്യമായി കൗണ്‍സിലറായിരുന്ന പയ്യാനക്കല്‍ വാര്‍ഡിന്റെ ഭൂരിഭാഗവും കൂട്ടിച്ചേര്‍ത്താണ് ഇത്തവണ വാര്‍ഡ് വിഭജനശേഷം നിലവിലെ 39-ാം വാര്‍ഡുണ്ടായത്.
മീഞ്ചന്ത വാര്‍ഡില്‍ കഴിഞ്ഞ തിരഞ്ഞെടുപ്പില്‍ 130 വോട്ടിന്റെ ഭൂരിപക്ഷത്തില്‍ ബിജെപിയാണ് ജയിച്ചത്. വാര്‍ഡ് വിഭജനത്തോടെ ഈ വാര്‍ഡിലെ വലിയ ഭാഗം തിരുവണ്ണൂരിലേക്ക് പോയി. പയ്യാനക്കല്‍ വാര്‍ഡില്‍ കഴിഞ്ഞ വര്‍ഷം 713 വോട്ടിന്റെ ഭൂരിപക്ഷത്തില്‍ എല്‍ഡിഎഫാണ് ജയിച്ചത്. പയ്യാനക്കല്‍ വാര്‍ഡിന്റെ വലിയഭാഗം മീഞ്ചന്തയിലേക്ക് ചേരുന്നതോടെ വാര്‍ഡ് തങ്ങള്‍ക്ക് അനുകൂലമാകുമെന്നായിരുന്നു എല്‍ഡിഎഫിന്റെ കണക്കുകൂട്ടല്‍.
കോഴിക്കോട് സൗത്തിലെ മുൻ എംഎൽഎയായ സി.പി. കുഞ്ഞുവിന്റെ മകൻ കൂടിയായ മുസാഫർ കോഴിക്കോട് സൗത്തിൽ നിന്ന് നിയമസഭയിലേയ്ക്കും ജനവിധി തേടിയിരുന്നു.
Content Highlights: Kozhikode CPM`s mayoral candidate, C.P. Muzaffar Ahmed, lost the election from Meezhanta ward. UDF`s S.K. Abubacker won. Explore election results and analysis
Published: 13 Dec 2025, 11:29 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented