2021-ലെ ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ് (ജാം 2021) 2021 ഫെബ്രുവരി 14-ന് നടക്കും. പരീക്ഷയ്ക്കായി സെപ്റ്റംബര്‍ 10 മുതല്‍ ഒക്ടോബര്‍ 15 വരെ രജിസ്‌ട്രേഷന്‍ നടത്താമെന്ന് പരീക്ഷാ നടത്തിപ്പു ചുമതലയുള്ള ഐ.ഐ.എസ്‌.സി. ബെംഗളൂരു അറിയിച്ചു. 2021 മാര്‍ച്ച് 20-ന് ഫലം പ്രസിദ്ധീകരിക്കും.

To advertise here,

ഐ.ഐ.ടി., ഐ.ഐ.എസ്‌.സി., ഐസര്‍, നൈസര്‍, എന്‍.ഐ.ടി തുടങ്ങിയ ഉന്നത വിദ്യാഭ്യാസ സ്ഥാപനങ്ങളിലെ മാസ്റ്റേഴ്‌സ് പ്രോഗ്രാമുകളിലേക്കുള്ള പ്രവേശനത്തിനായാണ് ജാം പരീക്ഷ നടത്തുന്നത്. കോഴ്‌സ് വിവരങ്ങള്‍ വെബ്‌സൈറ്റില്‍ ലഭ്യമാണ്.

അപേക്ഷാഫീസ്: എസ്.സി, എസ്.ടി, ഭിന്നശേഷി വിഭാഗക്കാര്‍ക്ക് 750 രൂപ. രണ്ട് പേപ്പര്‍ എഴുതാനാഗ്രഹിക്കുന്നവര്‍ 1050 രൂപ ഫീസൊടുക്കണം. മറ്റെല്ലാ വിഭാഗക്കാര്‍ക്കും ഒരു പേപ്പറിന് 1500 രൂപയും രണ്ട് പേപ്പറിന് 2100 രൂപയും ഫീസടയ്ക്കണം.

പരീക്ഷാ ടൈംടേബിളും യോഗ്യതാ മാനദണ്ഡങ്ങളും പ്രവേശന സ്ഥാപനങ്ങളും ഉള്‍പ്പടെയുള്ള വിശദവിവരങ്ങള്‍ http://jam.iisc.ac.in-ല്‍ ലഭ്യമാണ്.

Content Highlights: Joint Admission Test for Masters (JAM 2021) Application Process to Begin on 10 September