ന്യൂഡൽഹി: ആൾമാറാട്ടം തടയുന്നതിന് ഉദ്യോഗാർഥികളുടെ ഫെയ്സ് ഓതന്റിക്കേഷൻ (മുഖംനോക്കി തിരിച്ചറിയൽ) ഈ വർഷത്തെ സിവിൽ സർവീസസ് പ്രിലിമിനറി പരീക്ഷയിൽ വിജയകരമായി നടപ്പാക്കി യു.പി.എസ്.സി.
മേയ് 24-ന് നടന്ന പരീക്ഷയിലാണ് ഇതു നടത്തിയത്. രാജ്യത്താകെ 2072 പരീക്ഷാകേന്ദ്രങ്ങളിൽ ഫെയ്സ് ഓതന്റിക്കേഷൻ നടത്തി. ഇതിനായി പ്രത്യേക പ്രോട്ടക്കോളും യു.പി.എസ്.സി. പുറത്തിറക്കിയിരുന്നു. ഐ.ടി. മന്ത്രാലയത്തിനു കീഴിലെ നാഷണൽ ഇ-ഗവേണൻസ് ഡിവിഷന്റെ സാങ്കേതിക സഹായത്തോടെയാണ് മുഖ പരിശോധനയ്ക്കുള്ള ആപ്ലിക്കേഷൻ യു.പി.എസ്.സി. വികസിപ്പിച്ചത്.
പരിശോധനയ്ക്കുള്ള മാനദണ്ഡങ്ങൾ സംസ്ഥാനങ്ങളുമായി പരീക്ഷയ്ക്കുമുന്നേ പങ്കുവെച്ചു.
6-8 സെക്കൻഡിൽത്തന്നെ ഒരാളുടെ പരിശോധന പൂർത്തിയാകുമെന്നതിനാൽ കാലതാമസമില്ലാതെ നടപ്പാക്കാനായി. ക്രമക്കേടുകളുടെ സാധ്യതയില്ലാതാക്കി 5.5 ലക്ഷത്തോളം ഉദ്യോഗാർഥികൾ പങ്കെടുത്ത പരീക്ഷയിൽ വിജയകരമായി സംവിധാനം നടത്താനായത് നേട്ടമാണെന്ന് യു.പി.എസ്.സി. ചെയർമാൻ അജയ് കുമാർ പറഞ്ഞു.
Content Highlights: In a major tech-driven move to eliminate exam malpractices, the UPSC successfully implemented a fast and secure face authentication system for over 5.5 lakh candidates during the Civil Services Preliminary examination held across 2,072 centers.
Published: 05 Jun 2026, 10:10 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented