നാഷണൽ ആപ്റ്റിറ്റ്യൂഡ് ടെസ്റ്റ് ഇൻ ആർക്കിടെക്ചർ (നാറ്റ) 2024- ന്റെ രണ്ട്‌ അധിക ടെസ്റ്റുകൾകൂടി നടത്താൻ കൗൺസിൽ ഓഫ് ആർക്കിടെക്ചർ തീരുമാനിച്ചു. അഞ്ചുവർഷ ബാച്ച്‌ലർ ഓഫ് ആർക്കിടെക്ചർ (ബി.ആർക്.) പ്രോഗ്രാം 2024 പ്രവേശനം തേടുന്നവർക്ക് അതിലേക്ക് ഒരവസരംകൂടി നൽകാനാണ് രണ്ട് ടെസ്റ്റുകൾകൂടി നടത്തുന്നത്.

To advertise here,

ഓഗസ്റ്റ് 10-നും 24-നും നടത്തുന്ന പരീക്ഷയ്ക്ക് www.nata.in വഴിയാണ് രജിസ്റ്റർചെയ്യേണ്ടത്. ഈ അധികടെസ്റ്റുകൾവഴി യോഗ്യത നേടുന്നവർക്ക് വിവിധ സ്ഥാപനങ്ങളിൽവരുന്ന ഒഴിവുകളിലേക്കോ നികത്താതെകിടക്കുന്ന സീറ്റുകളിലേക്കോ ഉള്ള പ്രവേശനങ്ങൾക്കേ അർഹത ഉണ്ടായിരിക്കുകയുള്ളൂ. നിലവിൽ സംസ്ഥാനങ്ങളിൽ നടക്കുന്ന കേന്ദ്രീകൃത അലോട്ട്‌മെന്റ്‌ നടപടികൾ അതേപടി തുടരാവുന്നതാണ്.