ലണ്ടനിലെ ഉപരിപഠനത്തെ കുറിച്ചും ജോലിയെ കുറിച്ചും സംസാരിച്ച് നടി എസ്തര്‍ അനില്‍. ഒരു വര്‍ഷത്തെ മാസ്‌റ്റേഴ്‌സ് കോഴ്‌സ് പൂര്‍ത്തിയായെന്നും ഡെസേര്‍ട്ടേഷന്‍ ഓഗസ്റ്റില്‍ സമര്‍പ്പിച്ചുവെന്നും നടി വ്യക്തമാക്കി. നിലവില്‍ ദൃശ്യം 3-യുടെ ഷൂട്ടിങ്ങുമായി ബന്ധപ്പെട്ട് നാട്ടിലാണുള്ളതെന്നും ബ്രിട്ടനിലെ ഒരു കമ്പനിക്കായി ഫ്രീലാന്‍സായി ജോലി ചെയ്യുന്നുണ്ടെന്നും അവര്‍ കൂട്ടിച്ചേര്‍ത്തു.
ഇന്‍സ്റ്റഗ്രാം സ്‌റ്റോറിയില്‍ ആരാധകരുടെ ചോദ്യങ്ങള്‍ക്ക് മറുപടി നല്‍കുകയായിരുന്നു എസ്തര്‍ അനില്‍. 'ഡിസംബറില്‍ ബിരുദദാന ചടങ്ങുണ്ടാകും. അതിനായി ലണ്ടനിലേക്ക് തിരിച്ചുപോകും. എല്ലാ പേപ്പറിന്റേയും റിസള്‍ട്ട് വന്നു. ഇനി ഡെസേര്‍ട്ടേഷന്റേത് മാത്രമാണ് വരാനുള്ളത്.' എസ്തര്‍ വ്യക്തമാക്കി. ലണ്ടനിലുള്ള ക്ലയന്റ്‌സിനായി ഫ്രീലാന്‍സ് ആയി ജോലി ചെയ്യുന്നുണ്ട്. നാട്ടിലിരുന്ന് ജോലി ചെയ്ത് അത് അയച്ചുകൊടുത്താല്‍ മതി. ഇതാണ് തന്റെ കരിയറിന്റെ പുതിയ അപ്‌ഡേറ്റെന്നും നടി വ്യക്തമാക്കി.
ലണ്ടന്‍ സ്‌കൂള്‍ ഇക്കണോമിക്‌സില്‍ ഡെവലപ്‌മെന്റല്‍ സ്റ്റഡീസില്‍ ബിരുദാനന്തര ബിരുദത്തിന് പഠിക്കുകയായിരുന്നു എസ്തര്‍. മുംബൈയിലെ സെന്റ് സേവ്യേഴ്‌സ് കോളേജില്‍നിന്ന ഇക്കണോമിക്‌സില്‍ ബിരുദം പൂര്‍ത്തിയാക്കിയശേഷമാണ് താരം ലണ്ടനിലേക്ക് പോയത്. ലണ്ടന്‍ സ്‌കൂള്‍ ഓഫ് ഇക്കണോമിക്‌സില്‍ പഠിക്കുന്നത് തന്റെ സ്വപ്‌നമായിരുന്നുവെന്ന് എസ്തര്‍ നേരത്തെ വ്യക്തമാക്കിയിരുന്നു.
Content Highlights: esther anil london school of economics studies completed
Published: 30 Sept 2025, 12:58 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented