മുളങ്കുന്നത്തുകാവ്(തൃശ്ശൂര്‍): കേരള ആരോഗ്യ സര്‍വകലാശാലയുടെ ഫാര്‍മസി ബിരുദ സര്‍ട്ടിഫിക്കറ്റ് വ്യാജമായി നിര്‍മിച്ച് സ്വകാര്യ ആശുപത്രിയില്‍ ജോലി നേടിയ സംഭവത്തില്‍ യുവതിയുടെ പേരില്‍ മെഡിക്കല്‍ കോളേജ് പോലീസ് കേസെടുത്തു. ഗുജറാത്തിലെ ഒരു പ്രമുഖ ആശുപത്രിയില്‍ ഫാര്‍മസിസ്റ്റായി ജോലിചെയ്യുന്ന പത്തനംതിട്ട സ്വദേശി ആഷ്‌ലി ബെന്നിയുടെ പേരിലാണ് കേസ്.
മൂന്നുകൊല്ലമായി ജോലിചെയ്യുന്ന ഇവരുടെ സര്‍ട്ടിഫിക്കറ്റ് പരിശോധനയ്ക്കായി സര്‍വകലാശാലയിലേക്ക് അയച്ചപ്പോഴാണ് തട്ടിപ്പുവിവരം പുറത്തായത്. യുവതി സര്‍വകലാശാലയ്ക്ക് കീഴില്‍ തിരുവനന്തപുരത്തുള്ള ഒരു കോളേജില്‍ വിദ്യാര്‍ഥിനിയായിരുന്നു. എന്നാല്‍, ഇവര്‍ പരീക്ഷ ജയിച്ചിരുന്നില്ല. ജയിച്ച ഒരു വിദ്യാര്‍ഥിനിയുടെ മാര്‍ക്ക് ലിസ്റ്റിലെ വിവരങ്ങളാണ് ഇവരുടെ വ്യാജ മാര്‍ക്ക് ലിസ്റ്റിലുള്ളത്.
Content Highlights: woman produced kerala university of health sciences fake pharmacy degree certificate
Published: 03 Jul 2024, 02:57 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented