മുംബൈ: മഹാരാഷ്ട്രയിലെ താനെയില്‍ നഴ്‌സറി വിദ്യാര്‍ഥിനികളെ സ്‌കൂള്‍ ജീവനക്കാരന്‍ ലൈംഗികമായി ഉപദ്രവിച്ചെന്ന് പരാതി. താനെയിലെ ബദ്‌ലാപുരിലെ സ്‌കൂളിലാണ് സംഭവം. വിദ്യാര്‍ഥിനികളുടെ കുടുംബത്തിന്റെ പരാതിയില്‍ സ്‌കൂള്‍ ജീവനക്കാരനെതിരേ പോക്‌സോ നിയമപ്രകാരം പോലീസ് കേസെടുത്തു.
നഴ്‌സറി വിദ്യാര്‍ഥികളുടെ സഹായിയായി ജോലിചെയ്യുന്ന ജീവനക്കാരന്‍ രണ്ട് പെണ്‍കുട്ടികളെ ഉപദ്രവിച്ചതെന്നാണ് പരാതിയില്‍ പറയുന്നത്. ശൗചാലയത്തിലേക്ക് കൊണ്ടുപോകുന്നതിനിടെ ഇയാള്‍ ലൈംഗികമായി ഉപദ്രവിച്ചെന്നായിരുന്നു നാല് വയസ്സുള്ള വിദ്യാര്‍ഥിനികളുടെ വെളിപ്പെടുത്തല്‍.
അതിക്രമം നേരിട്ട പെണ്‍കുട്ടികളിലൊരാളാണ് സംഭവത്തെക്കുറിച്ച് രക്ഷിതാവിനോട് ആദ്യം വെളിപ്പെടുത്തിയത്. തുടര്‍ന്ന് ഇവര്‍ രണ്ടാമത്തെ പെണ്‍കുട്ടിയുടെ കുടുംബത്തെയും വിവരമറിയിച്ചു. ഏതാനുംദിവസങ്ങളായി മകള്‍ സ്‌കൂളില്‍ പോകാന്‍ ഭയപ്പെട്ടിരുന്നതിന്റെ കാരണം ഇതോടെയാണ് കുടുംബത്തിന് മനസിലായത്. തുടര്‍ന്ന് രണ്ട് കുടുംബങ്ങളും കുട്ടികളെ വൈദ്യപരിശോധനയ്ക്ക് വിധേയമാക്കുകയും ഉപദ്രവം നേരിട്ടെന്ന് ഡോക്ടര്‍ കണ്ടെത്തുകയുമായിരുന്നു. ഇതിനുപിന്നാലെയാണ് രണ്ട് വിദ്യാര്‍ഥിനികളുടെ കുടുംബങ്ങളും പോലീസിനെ സമീപിച്ചത്.
സംഭവത്തില്‍ കേസെടുത്തെങ്കിലും പ്രതിയായ ജീവനക്കാരന്‍ ഒളിവില്‍പോയിരിക്കുകയാണെന്ന് പോലീസ് പറഞ്ഞു. ഇയാള്‍ക്കായി അന്വേഷണം തുടരുകയാണെന്നും പോലീസ് അറിയിച്ചു.
Content Highlights: thane nursery students sexually abused by school employee
Published: 17 Aug 2024, 05:18 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented