ചേർത്തല: തൈക്കാട്ടുശ്ശേരി ബിവറജസ് ഔട്ട്‌ലെറ്റ് വളപ്പിനുള്ളിൽ യുവാവിനെ ക്രൂരമായി മർദ്ദിച്ച സംഭവത്തിൽ മൂന്ന് പേർ പിടിയിലായി. തണ്ണീർമുക്കം പഞ്ചായത്ത് മരത്തോർവട്ടം മറ്റത്തിൽ വീട്ടിൽ വിഷ്ണു സന്തോഷ്(സഞ്ജപ്പൻ-26),അരൂക്കുറ്റി പഞ്ചായത്ത് 14-ാം വാർഡ് നദുവത്ത് നഗർ പാലപ്പറമ്പിൽ അനുരാഗ് സുരേഷ് (25) എന്നിവരും പ്രായപൂർത്തിയാകാത്ത മറ്റൊരാളുമാണ് പിടിയിലായത്.

To advertise here,

തൈക്കാട്ടുശ്ശേരി പഞ്ചായത്ത് 11-ാം വാർഡിൽ ശാന്തിക്കവലക്ക് പടിഞ്ഞാറ് മഠത്തിവെളി വീട്ടിൽ എം.ജി.അനീഷ് കുമാറി(43)നാണ് കഴിഞ്ഞ ഞായറാഴ്ച വൈകിട്ട് മർദ്ദനമേറ്റത്. മദ്യം വാങ്ങിക്കാനുള്ളവരുടെ വരി മറികടക്കാൻ ചിലർ ശ്രമിച്ചതിനെ വരി നിന്നിരുന്നവരിൽ പലരും എതിർത്തിരുന്നു. വാക്കേറ്റത്തിനിടയിൽപെട്ട ഒരാളെ പിടിച്ചുമാറ്റുന്നതിനിടയിലാണ് അനീഷിനെ കടന്നുപിടിച്ച് അഞ്ചംഗ സംഘം മർദ്ദിച്ചത്.