കല്പ്പറ്റ: വയനാട്ടിൽ വീണ്ടും ലഹരിവേട്ട. മാരക മയക്കുമരുന്നായ എല്.എസ്.ഡി. സ്റ്റാമ്പുമായി സംസ്ഥാനത്തേക്ക് കടക്കാന് ശ്രമിച്ച മുംബൈ സ്വദേശിനിയെ പോലീസ് പിടികൂടി.
മുംബൈ വസന്ത് ഗാര്ഡന് റെഡ് വുഡ്സിൽ സുനിവ സുരേന്ദ്ര റാവത്തിനെ (34) ആണ് ബത്തേരി പോലീസും ജില്ലാ ലഹരി വിരുദ്ധ സ്ക്വാഡും മുത്തങ്ങ പോലീസ് ചെക്ക് പോസ്റ്റില് വെച്ച് പിടികൂടിയത്. ഒരു സ്ട്രിപ്പില് മൂന്നെണ്ണം ഉള്ക്കൊളളുന്ന, 0.06 ഗ്രാം തൂക്കമുള്ള എല്.എസ്.ഡി. സ്റ്റാമ്പാണ് ഇവരില്നിന്ന് കണ്ടെടുത്തത്.
ചെക്ക് പോസ്റ്റിലെ വാഹന പരിശോധനക്കിടെയാണ് സംഭവം. മൈസൂര് ഭാഗത്ത് നിന്നും കാറില് ബത്തേരി ഭാഗത്തേക്ക് വരികയായിരുന്നു സുനിവ. സ്റ്റാമ്പുകള് ബെംഗളൂരുവിലെ പാര്ട്ടിയ്ക്കിടെ ഒരാളില്നിന്ന് വാങ്ങിയതാണെന്ന് ഇവര് മൊഴി നല്കി. എസ്.ഐമാരായ സി.എം. സാബു, രാധാകൃഷ്ണന്, സി.പി.ഒമാരായ സജീവന്, ഷബീര് അലി എന്നിവരാണ് പോലീസ് സംഘത്തില് ഉണ്ടായിരുന്നത്.
Content Highlights: Mumbai native woman with deadly drug LSD stamps arrested by Police in Wayanad
Published: 08 Apr 2024, 09:43 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented